Hilfe:Artikel importieren

S isch megli ne Artikel mitsamt synere Versionsgschicht us e Teil andere Wikimedia-Projäkt in di alemannisch Wikipedia z importiere.

Zur Zyt chenne Artikel importiert wäre us em dytschsprochige Wiktionary (wikt) un dr dytsche (de), änglische (en) un franzesische (fr) Wikipedia.

Benutzer chenne Importwinsch in e Lischt uf dr Syte Wikipedia:Übersetzungen/Importwünsche yytrage. Die Lischt wird derno vu Ammanne duregange mit dr Importfunktion.

Alli Importvorgäng wäre automatisch im Importlogbuech yytrait.

Hiiwys an Ammanne

Bitte vor em Import prief, eb s scho ne Artikel bi uns git mit em glyche Name. Falls jo, in e beliebige andere Namensruum importiere un vu dert uus noch em Abschluss vum Import verschiebe.
Dr Import uf e Untersyte im Benutzerruum isch nume mit eme Zwischeschritt megli. E anderi Ziilname-Yygab isch nit megli.

Wänn e Artikel scho ibersetzt woren isch, ohni ass d Versionsgschicht importiert woren isch, chaa mer des mache:

Artikel git s unter em glyche Stichwort wie in dr anderschsprochige Wikipedia
1. Import durefiere. S wäre di främdsprochige Versione chronologisch in d Versionsgschicht vum alemannische Artikel yygfiegt. As nejschti Version erschynt jetz e Version mit em Importvermerk in dr främde Sproch.
2. Di letscht alemannisch Version muess jetz iber d Versionsgschicht uusezoge wäre un e Bearbeitig dra gmacht wäre, fir ass di alemannisch Vesion wider as aktuälli Version aazeigt wird.
3. Wänn dr främdsprochig Artikel nomol bearbeitet woren isch, nochdäm d Ibersetzig s erscht Mol aagleit woren isch, no mien di nejere främdsprochige Versione uuseglescht wäre.
Artikel git s unter eme andere Stichwort
1. Import durefiere
2. Artikel verschiebe uf s Stichwort in dr als.wp. Doderby wird noch ere Ruckfrog di bishärig Ibersetzig glescht.
3. Di gleschte alemannische Versione widerhärstelle
4. Wyter wie unter 1.2 bschribe

Wichtig: Wänn dr anderschsprochig Artikel meh as 100 Versione het, chaan er nit importiert wäre.