Hilf:Biecher/für Experte

Sälli Site isch e Hilf zu de Büechfunktion für erfahreneri Nutzer. Si erchlärt zum Bispyl, wie mer d'Darstellig in de Biecher verbessere cha und in wellem Format d'Biecher, wo in de Wikipedia gspeichert werre, abglegt werre.

Artikel zu me Büech züefiege

E bstimmti Artikelversion züefiege

Statt de aktuälle Artikelversion cha mer au e älteri Version vo me Artikel in sy Büech yneneh. Dodezüe goht mer über de Riter „Versione/Autore“ uff sälli Version und fiegt si ganz normal mit de Schaltflächi uff de linke Site zum Büech dezüe.

We'mer e älteri Version zum Büech dezüedüet, no wird immer sälli verwändet. Wenn's sich aber um di aktuälli Version handelt, no wird au in Züechumft immer die Version verwändet, wo grad aktuäll isch.

De Inhalt vo-n-re Kategory zu me Büech dezüedüe

Mer cha au alli Site in re bstimmte Kategory uff s Mol in e Büech ybinde. Dodezüe goht mer uff d'Kategoryesite und klickt uff de linke Site uff „Kategorii zuefiege“.

Züesätzligi Tekscht i'me Büech

Wenn dr e Tekscht i'me Büech ha wottsch, wo's nit als Wikipedia-Artikel git, no chasch sälli als Nutzer-Undersite Mer chönnt zum Bispyl e eigeni Yleitig eso ins Büech ybinde: :[[Benutzer:Name/Biecher/Büechname/Yleitig|Yleitig]]. In de Yleitig dät deno nit de datsächlig Name vo de Site stoh, sondern numme „Yleitig“ (lüeg unde zum Umbenänne vo Artikel in Biecher).

Wikipedia-Link uff anderi Artikel werre im PDF automtisch konvertiert: wenn de Artikel e Deil vom Büech isch, no wird e intern Link glegt, ansunschte extern uff d'Wikipedia (nützlig z.B. für Inhaltsverzeichniss).

Speichere vo Biecher

Format vo gspeicherte Biechersite

Wenn e Büech de Titel „My Büech“, de Undertitel „E PDF uss de Wikipedia“ und zwei Büechkapitel „Foo“ und „Bar“ mit je drei Artikel hät und d'Versionsnummer vom letschte Artikel festglegt isch, no dät d'Site eso gspeichert werre:

== My Büech ==
=== E PDF uss de Wikipedia===
;Foo
:[[Erschte_Artikel]]
:[[Zweite_Artikel]]
:[[Dritte_Artikel]]
;Bar
:[[Vierte_Artikel]]
:[[Fümfte_Artikel]]
:[{{fullurl:Sechste_Artikel|oldid=20}}Sechste Artikel version:20]

[[Kategorie:Wikipedia:Biecher|My Büech]]

D'Wiki-Syntax uff gspeicherte Büechsite

Au ohni de Chaste und d'Spezialsite cha mer Biecher zämmestelle. Dodezüe verwändet mer d'Wikisyntax eso:

De Titel wird vo doppelte Glychheitszeiche umschlosse: == Titel ==.
De Undertitel setzt mer mit zweimol drei Glychheitszeiche: === Undertitel ===.
Kapitelüberschrifte hän e Semikolon am Afang: ;Kapitelname
E Artikel züefiege düet mer, indem mer e intern Link uff de Artikel mit me Doppelpunkt vornedra setzt: :[[Zylartikel]].
E bstimmti Version fiegt mer züe, indem mer si noch dem Modäll agit: :[{{fullurl:Artikelname|oldid=Nummer vo de Version}} Artikelname]. We'mer also :[{{fullurl:Europa|oldid=56463246}} Europa] ygit, no siht s Ergebnis eso us: :Europa
We'mer im Büech öbbis anders als Titel azeige wott wie de Name vo de entsprächende Site, no macht mer säll - wie i'me normale Wiki-Link - mit me sänkrächte Strich (|): :[[Python (Programmiersprache)|Python]]
Gspeichert werre Biecher ändwäder im Nutzernamesruum under [[Benutzer:Name/Biecher/Büechname]] oder als gmeinschaftligs Büech under [[Wikipedia:Biecher/Büechname]]; do drüber underscheidet de Nutzer. Alli Biecher werre in d'Kategory „Biecher“ ygordnet.

Biecher lade

Uff allne Site, wo in de Kategory „Wikipedia:Biecher“ sin, findet mer uff de linke Site in de Navigationsleiste d'Schaltflächi „Buech lade“.

Verbesserig vo de Darstellig

Mänki Tekschtuszeichnige vo de MediaWiki-Syntax chönne im PDF zu fehlerhafte Darstellige fiehre. Vorlage werre zum Bispyl in de PDF-Datei anderscht dargstellt wie im Artikel sälber. Zum säll umgoh ersetzt mer ändwäder d'Vorlage oder schließt Inhalt us, wo bim Druck zu Fehler fiehre cha. Im allgemeinde sott alles (bsunders Vorlage), wo für e PDF-Dokumänt nit sinnvoll sin, vom Druck usgschlosse werre.

Mer cha d'Broblem durch Vorlage uff drei Arte behebe:

Vorlage usschließe
Mer cha d'Vorlage in e Kategory „Vum Druck usschließe“ yordne. Mer cha oft au ganzi Chlasse vo Vorlage vom Druck usschließe, wyl mänki Vorlage in andere Vorlage brucht werre.
Vorlag {{ImDruckVerbergen}}
Mit de Vorlag {{ImDruckVerbergen}} cha mer Inhalt, wo in de PDF-Version nüt bringe und si numme verunstalte, vom Druck usschließe. Bsunders Vorlage, vo in de PDF-Version sinnlos sin, sotte eso usgschlosse werre.
Bsp: <des wird druckt> {{ImDruckVerbergen|<des wird nit druckt>}} <des wird widder druckt>
Täscht: Des wird druckt, …
des wird nit druckt
, des wird widder druckt.
Vorlage ersetze
E Vorlag <Vorlag>/Druck cha mer d'Vorlag mit em Name <Vorlag> ersetze. D'Vorlag „Vorlage:<Vorlag>/Druck“ sott vo de ursprünglige Vorlag usgoh; numme Elemänt, wo im Druck sinnlos sin, werre useglöscht. Wenn öbber d'Usgangsvorlag ändert, no sott d'Druck-Vorlag überbrieft werre.

Biecher mit Site uss verschydene Sprochversione

Brojäktübergrifendi Biecher chönne im Momänt leider no nit zämmegstellt werre. E speziälli PediaPress-Site bietet sälli Funktion aber a.