Hilf:Site ändere

Do wird erchlärt, wie mer e Wikipedia-Site bearbeitet.

Bearbeite-Modus

Übber d'Schaltflächi Bearbeite am obere Rand vu jeder Site chasch de Artikel, wu de gradd am Läse bisch, ändere. Deno erschiint e Tekschtfäld, wu de ganz Tekscht in de sognännte Wiki-Syntax aazeigt, also normale Tekscht mit Formatierigsaawiisige.

Wenn de nit di ganzi Site, sundern numme eins vu de Kapitel odder Unterkapiteli wottsch ändere, no chasch rächts näbe de Kapitelübberschrifte übber de Link ändere dä Abschnitt einzeln ändere. Eso müesch nit lang d'Stell süeche, wu de ändere wottsch.

Im Bearbeitigskommentar (Zämmefassig un Quälle) fiegt's d'Übberschrift automatisch ii. De chasch un sollsch si einewäg mit eigene Iidreg ergänze.

Übber em Bearbeitigsfänster findsch in de meiste Browser e Bearbeitigswärchzügchästli mit Schaltfläche, wu bim Aaklicke di wichtigste Aawiisige vu de Wiki-Syntax iifiege. Dass au Artikel mit sältenere Schriftzeiche korrekt dargstellt were, sottsch im Browser für Tekschtfälder e Nitproportionali Schriftart wehle, wu mögligst viil Zeiche abdeckt.

Vorschau un Speichere

Bevor de speichersch, sottsch e churzi Zämmefassig vu de Änderige ins Fäld Zämmefassig iigee un deno uff Vorschau aaluege drucke. Deno chasch dii Tekscht aalüege, wie-n-er noch em Abspiichere ussiht. Wenn d'Site Vorlage odder Kategoriie enthaltet, no chasch si ganz unte, no unter em Bearbeitigsfänster, aalüege. Wenn de deno uff Syte spychere drucksch, no wird di neui, gänderti Version vu de Site veröffentligt.

Usprobiere

Für Versüech chasch de Sandchaste verwände. Säi müetig, de chasch nütt kaput mache, wiil dini Änderig all no ruckgängig gmacht un di vorhärigi Version widderhärgstellt were cha.

Diskussionsbiidreg

Bittschön düe, wenn de uff ere Diskussionssite öbbis gschribe häsch, am Änd dini Signatuur iifiege (unterschriibe), sodass mer glii siht, wär was gschribe hät. Des goht eso:

--~~~~

wird zu:

--Benutzernamme 17:02, 3. Dez. 2024 (CET)

Sustigs

Chleinigkeite

Benützer, wo sich aameldet, gsänd en Option zum Ahöckle: «Numen es birebitzueli gänderet». Du chasch sälber entscheide, wenn dass en Änderig e «chlyni Änderig» isch. Mach zum Byspil es Höckli, wenn du nume e Tippfähler odr e Formatierig uusbesseret häsch. Die Möglichkeit isch wichtig, will mer bi «Letschti Änderige» alli chlini Änderige cha usblände la. In dine persönlige Iistellige chasch des Hökli automatisch bi jeder Änderig setze loo.

De Grund, werum dass di Funktion für anonymi Benützer nid zur Verfüegig staht, isch, dass Vandalismus nid als chlyni Änderig söll kennzeichnet wärde. Susch würds wahrschinli länger unbemerkt blybe. Die Yschränkig isch e wytere Grund sich aazmälde.

Dänk draa, dass jedi Bearbeitig, un wenn's e Chleinigkeit isch, zu de Qualitet vum Artikel biidrage sott. Wenn de numme e Läärziile uusenümmsch, no sottsch des mit ere andere Änderig am Artikel verbinde un nit e Bearbeitig mache, wu numme dodrus bstoht.

Mit Dä Artikel beobachte chasch de Artikel in dini Beobachtigsliste uffneh, e Funktion, wu's dr aazeigt, ob an ere sälber gwehlte Uswahl vu Artikel in letschter Zit öbbis gändert wore isch.

Bearbeitigskomflikt

Wenn de e Site spiichersch, si abber zwüschezitlig scho öbber anders gändert hät, no mäldet dr d'Software e Bearbeitigskomflikt. Es were zwei Fänster aazeigt, im obere devuu di gspeicherti Version vum Andere, im untere die mit dine Änderige. Deno sottsch dini Änderige ins ober Fält übberdrage un widder uff d'Spiichertaste drucke.

Gsperrti Site

Mänki Site wie d'Hauptsite sin gschützt un chönne numme vu Ammanne gändert were. Deno erschiint anstell vu Bearbeite d'Schaltflächi Quälltekscht aaluege. S Gliich gältet, wenn s System gwartet wird un d'Wikipedia i'me-ne Numme-Läse-Modus isch. Wenn e Artikel gschützt isch, no goht's abber meistens uff e Bearbeitigschrieg zruck, wu sich mehreri Nutzer nit übber de Inhalt hänn chönne einige. In de Versionsgschicht findsch Genauers uuse. Wenn de Iidruck häsch, dass de Strit beändet isch, no chasch uff de Diskussionssite um d'Entsperrig bitte.

Meh zum Thema

Diskussionssite: Do chönne Diskussione übber de Inhalt gfiehrt un Benutzer aaghaue were.
Bearbeitigswärchzügliiste: D'Wärchzügliiste übber em Bearbeitigsfänster.
Formatiere: Erchlärige, wie mer Übberschrifte, Link, Liste, Tabälle un Absätz erzügt un Tekscht formatiert.
Artikel neu aalege: Was de mache un beachte müesch, bevor dr e neui Site aalèggsch.
Formatvorlage: Wenn de e Artikel erstellsch, no chönne si dr als Grundgrüst diene. Do findsch öbbis übber di verschidene Artikeltype un d'Verwändig vu Vorlage uuse.
Kategoriie: Artikel chönne un mien zur bessere Ufffindbarkeit kategorisiert were.
Untersite: Site, wu vu ihrer Hauptsite mit eme Schregstrich abdrännt sin.