Hilfe:Visual Editor

Dr VisualEditor ufmache

Go ne Syte mit em VisualEditor z bearbeite, klicksch uf d "Bearbeite"-Schaltflechi oben uf dr Syte. S Ufmache vu dr Syte zum Bearbeite cha ne Wyli goo, wänn si imfall arg groß isch. S Klicken uf "Quälltäxt bearbeite" macht dr klassisch Wiki-Quelltexteditor uf.

Du chasch dr VisualEditor au ufmache dur s Klicken uf dr "ändere"-Link an jedere Abschnittsiberschrift. Wänn Du mit dr Muus iber en Iberschrift fahrsch, duet si dr Link um d Megligkait uuswyte, dr klassisch Wiki-Quelltexteditor dur dr "Quälltäxt bearbeite"-Link zum Bearbeite z bruche.

Erschti Schritt: D VisualEditor-Wärchzyyglyscht

D VisualEditor-Wärchzyyglyscht

D Wärchzyyglyscht erschynt ganz oben uf em Bildschirm, wänn Du aafangsch mit em VisualEditor schaffe. In dr Lyyscht het s e baar bekannti Symbol:

	Rugggängig machen un Widerhole vu Dyne Änderige.

	Iberschriftemenü: Macht Dir s megli, s Format vum Täxt z ändere. D Standardabschnittsiberschrift isch "Überschrift".

	Formatiere: S "F" macht dr uusgwehlt Täxt faist un s "K" kursiv. D Chette isch s Verlinkigswärchzyyg. 'S letscht Symbol ("Formatierigen uusenee") nimmt jedwäderi Formatierig vum uusgwehlte Täxt uuse.

	Lischte & Yyruggige: Mir dr baide erschte Symbol chasch nummerierti Lischte oder Ufzellige aalege. Di baide letschte mache s Vergreßere oder Verchlainere vum Täxtyyzug megli.

	Medie, Fueßnote & Vorlagenyybindige: E jedes Symbol macht e separat Dialogfänschter uf: S "Bilder und Medien"-Symbol (e Bild mit Bärg) macht dr Medie-Dialog uf. S "⧼visualeditor-dialogbutton-reference-insert-tooltip⧽"-Symbol (e Lääsezaiche) macht e Dialog uf zum Bearbaite vu Fueßnote. S "⧼visualeditor-dialogbutton-referencelist-tooltip⧽"-Symbol (drei Biecher) macht e Dialog uf zum Aazaige vu Fueßnote. S "⧼visualeditor-dialogbutton-transclusion-tooltip⧽"-Symbol (e Puzzlestuck) macht s megli, Vorlage z bearbaite.

	D Optionen mache s der zur Zyt megli, d Kategorie z bearbaite un di mit däre Syte verchnipfte Link zue anderee Sprochversionen ufzlischte.

	Abbrächen oder Spychere vu Dyne Änderige.

Änderige spychere

Wänn Du mit em Bearbaiten fertig bisch, klicksch uf di grien "⧼Visualeditor-toolbar-savedialog⧽"-Schaltflechi in dr Wärchzyyglyscht. Dr Chnopf cha nit aaklickt wäre, wänn kaini Änderige gmacht wore sin.

S Klicken uf dr grien "⧼Visualeditor-toolbar-savedialog⧽"-Chnopf macht e Fänschter uf, wu Du ne churzi Zämmefassig vu Dyne Änderige yygee, d Änderig as chlai markieren un uuswehle chasch, d Syte z beobachte. D Zahl zaigt aa, wie vyl Zaiche Du no as Zämmefassig chasch yygee. Du chasch Dyni Änderige vor em Spychere iberbriefe go sichergoo, ass kaini Fähler ufdrätte sin.

Link bearbeite

	Link chenne dur s "Link"-Symbol (Chetteglaich) in dr Wärchzyyglyscht oder dur d Taschtekombination Ctrl+K (oder Command+K uf eme Mac) zuegfiegt wäre. Wänn Du Täxt markiersch oder dr Textcursor in eme Wort platziersch, fiegt s Drucke vum "Link"-Symbol e Link uf dää Täxt yy.

	Egal eb Du d Schaltflechi oder d Taschtekombination brucht hesch, goht e Dialog uf, wu Du dr Link (intärn oder extärn) chasch yygee. Dr VisualEditor versuecht, Di bi intärne Wikilink z unterstitze, indäm er bim Tippe no meglige Iberyystimmige suecht. Wänn Du ne Link yygee oder uusgwehlt hesch, chasch uf Enter drucke, uf dr Berych usserhalb uvm Dialog oder uf s Zuemach-Symbol (<) klicke. Dr Link erschynt scho uf dr Bearbaitigssyte,isch aber erscht mit em Spychere vu dr Syte fescht yydrait.

	Go ne Link z ändere oder uusenee, klicksch uf dr Link un derno uf s "Link"-Symbol, wu in dr Nechi ufschynt. Du chasch au uf s glych Symbol in dr Wärchzyyglyscht klicken oder d Taschtekombination Ctrl+K bruche, derwylscht dr Cursor im Linktäxt ischt. Jetz chasch s Linkzyyl bearbaite oder dr ganz Link dur s Aaklicke vum "Uusenee"-Symbol (e Chutteraimer) im obere rächten Ecke vum Dialog uusenee.

Bilder un anderi Mediedateie bearbaite

Zum Zuefiege vun eme Bild (oder ere andere Mediedatei) in e Syte muesch uf s "Medie"-Symbol in dr Wärchzyyglyscht (e Bild mit Bärg) klicke.

S Klicken uf s "Medie"-Symbol macht e Dialogfänschter uf, wu automatisch uf Wikimedia Commons no Dateie suecht, wu in Beziehig vu dr Syte stehn, wu Du grad dra schaffsch. Dur s Ändera vum Täxt im Suechfäld chasch au no andere Mediedateie sueche. Klick uf e Miniaturbild, go d Datei uuszwehle.

Noch em Yyfiege isch s Bild uusgwehlt (s schynt blau uf). Du chasch d Greßi mit em Aalängen an dr Ecke ändere un per Drag&Drop an dr gwenscht Ort uf dr Syte verschiebe. Klick uf s "Medie"-Symbol am Bild oder uf s in de Wärchzyyglyscht go ne Bschriftig yyfiege.

S Medie-Fänschter macht s Zuefiege un Bearbaite vu Dateibschryybige megli. Si chenne formatiert un mit Link versähne wäre.

Wänn Du mit em Bearbaite fertig bisch, klick uf "Änderige spychere", fir zum retuur goh uf dr Syteneditor.

Fueßnote bearbaite

Fueßnote bearbaite, wu s scho git ändere

	Go Fueßnote bearbaite, wu s scho git, muesch zerscht d Quälle-Nummere im Täxt aaklicke. Derno chasch entwäder s Symbol, wu ufschynt, aaklicke, oder Du wehlsch dr Yydrag derzue in dr Wärchzyglyscht.

	E Klick uf s "Fueßnote"-Symbol macht e Fänschter uf mit eme Mini-Editor, wu Du dr Fueßnotetäxt chasch ändere. Du chasch s ganz normal formatiere, indäm Du zemsch Byschpel Kursivschrift oder Link zuefiegsch.

	Vyl Wiki nutze Vorlage go Fueßnote ainhaitli darstelle. De VisualEditor färbt bi Quälle, wu Vorlage bruche, die bi Klick blau yy. Go dr Inhalt vun ere Vorlag ändere, bruchts e Klick uf s Vorlagenyybindigs-Symbol (Puzzledail).

	Mit eme Klick uf s Vorlagenyybindigs-Symbol (Puzzledail) chasch d Parameter vu dr Vorlage ändere.

	Klick uf "Änderige spychere", wänn fertig bisch, un Du chunsch retuur zum Fueßnoteneditor. Wänn Du mit em Bearbaite fertig bisch, chasch nomol uf d Spycher-Schaltflechi klicke go zue Syte retuur goh.

Fueßnote wider verwände, wu s scho git ändere

	Wänn s in dr Syte scho Fueßnote het, un e baar dervu basse zum Täxtabschnitt, chasch die wider verwände. Go ne Fueßnote e baarmol verwände, muesch dr Cursor an dr gwinschte Stell platziere un uf s Fueßnote-Symbol in dr Wärchzyyglyyscht klicke.

	Wänn s uf ere Syte ne Huffe Fueßnote het, chasch si noch eme bstimmte Täxt dursueche un derno uuswehle.

E neii Fueßnote yyfiege ändere

	Go ne neii Fueßnote yyfiege, gang mit em Cursor an die Stell, wu Du ne witt yyfiege, un klick uf s "Fueßnote"-Simbol (e Läsezaiche) in dr Wärchzyyglyyscht.

	Wehl "Neii Quälle aalege".

	Im Fueßnoteneditor chasch dr Fueßnotetäxt yyfiege, bearbaite un formatiere. S isch megli, d Quälle ere bstimmte Gruppe zuzordne. Dodermit chenne Fueßnote gruppiert aazaigt wäre.

	Wänn Du e neii Fueßnote yyfiegsch un doderby Vorlage witt verwände, muesch s Vorlage-Simbol in dr Wärchzyyglyhsctb vum Quälleneditor aaklicke.

	Derno chasch d Vorlag wie im normale Modus yyfiege un derno bearbaite. Klick uf "Änderige spychere", go zum Fueßnoteneditor retuurgoo, un derno nomol "Änderige spychere" zum uf d Syte chuu.

	Wänn s no kaini Fueßnote uf dr Syte het (zem Byhscpel, wänn Du di erscht Fueßnote yyfiegsch), muesch si ergänze, ass Dyni Fueßnote aazaigt wäre. Wehl der d Stell uus, wu d Fueßnote solle aazaigt wäre, un klick derno uf s Fueßnotelischte-Simbol (drei Biecher), gi d Lischt yyfiege.

	Go ne aifachi Fueßnotelischt z ergänze, brucht s nume ne Klick uf Änderige spychere. Wänn Du d Fueßnote gruppiert hesch, chasch e Gruppen im Fänschter aagee go d Quälle, wu s dert din het, aazaige loo.

Vorlage bearbaite

Go ne Vorlag uf dr Syte yyfiege, chasch dr Cursor an di gwinschte Stell setze un derno uf s Vorlage-Simbol (Puzzledail) klicke.

Gib dr Name vu dr Vorlag yy, wu De witt yyfiege, un klick derno uf Vorlag zuefiege.

S Bearbaite vu Vorlage, wu scho yybunde sin, isch megli dur s Aaklicke vu dr Vorlag un eme Klick uf s Vorlage-Simbol (Puzzledail).

Bim Yyfiege oder Bearbaite vu Vorlage goht s Vorlagenyybindigs-Fänschter uf, wu d Vorlageparameter mit ihre Wärt dargstellt wäre. S isch megli Parameter zuezfiege un die, wu s scho het, z bearbaite.

Go ne Parameter ändere, muesch en uuswehle, derno chasch sy Wärt im Fäld dernäbe bearbaite.

Wänn s in ere Vorlag anderi Vorlage din het, no wäre die yybettete Vorlagen as Parameter aazaigt. Die chennen uusegnuu un bearbaitet wären, indäm ihri Nämen aaklickt wäre. Neii yybetteti Vorlage chenne zuegfiegt wären, indäm mer dr Schritt zum Zuefiege vu Parameter noogoht. Villicht muesch d Vorlagebschryybig iberpriefe, go uusefinde, eb di yybettet Vorlag unterstitzt wird.

Wänn mit em Bearbaite fertig bisch, klick uf "Änderige spychere", go zum Syteneditor retuur goh.

Subschtitution vu Vorlage ändere

Wänn e Vorlag subschtituiert wäre mueß, fieg `subst:` (mitsamt Doppelpunkt) vor dr Vorlagenamen yy. D Autovervollständigung funktioniert nit mit `subst:`; Wänn die Funktion witt nutze, fieg subst: erscht yy, wänn di gsuecht Vorlag gfunde hesch. Klick derno uf dr grien "Vorlag zuefiege"-Button.

Fieg beliebigi Parameter wie bschribe zue un klick uf "Änderige spychere".

In däre erschte Phase wird Dir d Vorlag nit iber di ganz Syten aazaigt. Wänn Dyni Änderig gmacht hesch un spychere duesch, no änderet si d Oberflechi vu dr Vorlag.

Kategorie bearbaite

	Zum Bearbaite vu dr Kategorie vun ere Syte, klick uf dr "Optionen"-Button in dr Wärchzyyglyscht.

	Dr "Optionen"-Button macht e Dialog uf, wu d Kategorien uflischtet, wu s het, un macht Dir megli neii zuezfiege. Dert git s au ne Option, zum dr Sortierschlissel vu dr Syte ändere, wu fir d Sortierig uf dr Kategory-Syte brucht wird.

	Zum e neii Kategory zuezfiege, gib dr Name vun ere in s Fäld "E Kategory zuefiege" yy. Du chasch entwäder e neii Kategory aalegen oder aini nee, wu s scho het.

	Zum e Kategory, wu din isch, uuseznee, klick uf di un derno im Dialog, wu ufgoht, uf s "Uuseneh"-Simbol (e Abfallchibel). Du chasch au ne Sortierschlissel fir e spezifischi Kategory feschtlege. Des iberschrybt dr allgmain Sortierschlissel.

	Klick uf "Änderie spychere", wänn fertig bisch mit em Bearbaite vu dr Kategorie, go zum Syteneditor returzgoo.

Mathematischi Formlen un anderi speziälli Elemänt bearbaite

S Bearbaite vun e Dail Elemänt, wie zem Byschpel Bildergalerie, mathematischi Formlen un Musiknoten wird zur Zyt nonig vum VisualEditor unterstitzt. Bis des chunnt, muesch diräkt am Quällttäxt schaffe, wänn Du es ebis witt yyfiege oder verändere.

Taschtechirzel

E Huffe Benutzer sin gwehnt Wikitextformatierige diräkt yyzgee, vor allem Fett-/Kursivschrift un Wikilink. Taschtekombinationen mache s schnäll Yyfiege vu ähnlige Formatierige megli, ohni ass derfir uf d Wärchzyyglyschtesimbol muesch klicke.

Allgmaini Taschtekombinatione un sonigi, wu vu andere Texteditore gnutzt wäre, fir dr VisualEditor:

Taschtekombination (PC)	Funktion	Taschtekombination (Mac)

Ctrl+B	Fett	Cmd+B

Ctrl+I	Kursiv	Cmd+I

Ctrl+K	Link yyfiege	Cmd+K

Ctrl+X	Uusschnyde	Cmd+X

Ctrl+C	Kopiere	Cmd+C

Ctrl+V	Yyfiege	Cmd+V

Ctrl+Z	Rugggängig mache	Cmd+Z

Dä Artikel basiert uff ere fräie Übersetzig vu dere Version vum Artikel „Wikipedia:Technik/Text/Edit/VisualEditor/Handbuch“ vu de <dütsche Wikipedia. E Liste vu de Autore un Versione isch do z finde.