Hìlf:Wìderheerstelle
Es cha sìnnvoll sii, e Artikel ùf e friehneri Vèrsion zrùckzsetze, zùm Bispiil zùm Vandalìsmùs lösche.
Doodezüe
- rüefsch d'Sitte ùf, drùcksch obe ùf Versione/Autore ùn denooch ùf d'Zitt ùn s Datùm vù de Vèrsion (ohni d'Chnöpflì-Spalte di drìtti vù links).
- fìndsch, wenn d'Sitte aazeigt wìrd, obe ùnder em Titel e Vèrsioonshììwiis wie zùm Bispiil Alti Bearbeitig vom 21:04, 2009 Jul. 18. Jetz klìcksch ùf Bearbeite bzw. bi nìt gsichtete Sitte ùf Entwurf bearbeite. Es erschiint e Warnig, dass dr e alti Vèrsion am Bèarbeite bisch, sälli bèachtsch abber nìt ùn drùcksch diräkt ùf Syte spychere. Esoo wìrd di alti Vèrsion wìderheergstellt.
- gisch ìn de Zämmefassig aa, dass dr öbbis wìderheergstellt häsch. Fòrmulier di vorsichtig, schribb nìt ohni e güete Grùnd Vandalìsmùs (Gang vù güete Absichte uss!) ùn bègrǜnd chùrz dinni Wìderheerstellig. Wenn dr e längeri Bègrǜndig schribe wìt, no schribb si ùf d'Dìskùssioonssitte. Obacht: Bsùnders neui Nùtzer fiehle sich mänkmòl vor de Chopf gstoße, wenn ìhri Bèarbeitige rùckgängig gmacht wère. Drùm isch's òft sìnnvoll, ìm bèdräffende Nùtzer frǜndlig ùn abgmìldert ùf d'Dìskùssioonssitte z schribe, was er falsch gmacht hät. D'Mieh lohnt sich!
Fǜr Admìnistratore ùn Sichter isch s Wìderheerstelle degeege viil eifacher: si mien nùme ùf de Chnopf [Zrüggsetze] drùcke ùn chönne doodemìt Vandalìsmùs etc. viil schnäller rùckgängig mache.
Ähnlig funktioniert d'Schaltflächi (rückgängig). Sìì erschiint ìn de oberste Zile vù de Vèrsioonsgschicht nooch em Bèarbeitigskommentar. Wè'mer doodrùf drùckt, no wìrd de Bèarbeitigsmodùs aazeigt, ìn de Zämmefassigszile wìrd D Änderig 0000 vom XXX (Diskussion) isch ruckgängig gmacht worre. Doo cha mer no e Kommentar òder Bègrǜndig dezüeschribe, bevor mer ùf Syte spychere drùckt. Die Schaltflächi funktioniert nùme hìnder de lètschte Vèrsion.
Wichtigi Èmpfehlige ändere
S Wìderheerstelle dient vor allem dezüe, Vandalìsmùs z èntfèrne. Wenn eidüttig Vandalìsmùs vor dr häsch, no sòtsch au wìrkli esoo vorgoh wie obe bschrììbe, wenn's sich ùm ìnhaltligi Bèarbeitige handelt, sei vorsichtig: de Autor hät vìllicht viil Zitt fǜr sinni Bèarbeitig bruucht ùn wòt nìt, dass sinni Arbet eifach wìder glöscht wìrd. Òft èntstönn dùrch voreiligs Zrùcksetze Kònflìkt wie Bèarbeitigs-Chrieg.
Esoo Kònflìkt chasch vermide, ìndèm dr de Autor vorheer aasprichsch, em darlègsch, was nìt güet fìndsch, ùn en zùm e Lösig süeche iiladsch. De chasch au e witteri Änderig vorneh, wùù de Artikel verbessert, statt d'Bèarbeitig rùckgängig z mache.
Leider müeß mer einewääg òft e Bèarbeitig rùckgängig mache, wiil si de Qualität vùm Artikel gschadet hät anstatt re z nǜtze. Deno müesch abber au e güeti Bègrǜndig aafiehre; schribb ùf d'Dìskùssion òder ìn d'Zämmefassigszile, wisoo d'Bèarbeitig hät mieße zrùckgsetzt wère. Näbe de Bègrǜndig sòtsch ìn de Zämmefassig eins vù dène Wörter/Abchǜrzige bruuche: wìderheergstellt, rùckgängig, r(e)v, zrùckgsetzt.
Bispiil:
- Version vum 19:15, 24. Mai 2006 widerheergstellt.
bim Artikel Mensch
- Version vum 19:15, 24. Mai 2006 widerheergstellt: vgl. [[Diskussion:Mensch#Bewusstsii vu de eigene Sterbligkeit]]
S [[Diskussion:Mensch#Bewusstsii vu de eigene Sterbligkeit]] isch doodebii e elèkdronischi Verbìndig züe-n-re Dìskùssioonssitte, wùùbii de Deil vor em Zeiche # de Titel vù dère Sitte isch ùn de Deil denooch de Titel vù me-ne Abschnìtt.
Die Fòrm doo macht's allne liichter, d'Änderig noochzvollzieh (00.00.00.00 cha e IP-Adräss òder e Nùtzername sii, XXX isch s Datùm mìt Ùhrzitt):
- Änderige vum 00.00.00.00 (Biidrääg) ruckgängig gmacht un letschti Version vum XXX widerheergstellt)