Hinrichtung

d Töötig vom ene Mänsch noch de Verurteilig zum Tood

D Hiirichdig isch die vorsätzligi Döödig vom ene gfangene Mensch dur d Justizbehörde vom ene Land, nochdäm er zur Doodesstroof verurdäilt worden isch. Mänggisch wird dr Begriff felschligerwiis au brucht, wenn e Persoon vo öbberem, wo nit vom ene Staat befuegt worden isch, wie zum Bischbil Terroriste und Kriminelli, umbrocht wird. De Verbräche, wo mit em Dood bestrooft wärde, säit mä au hüte no vilmol Kapitalverbräche, wil si mit em Abschloo vom Chopf bestrooft worde si.

D Verdäilig vo de Hirrichdige 2006 uf dr ganze Wält[1]

Die mäiste westlige Staate füere käini Hiirichdige me us. Au in de USA wärde si sältener. Am mäiste Mensche wärde z China hiigrichdet, au in e baar islamische Länder isch d Hiirchdig nid sälte.

Dr Fantasii, wie mä öbber cha umbringe, si in dr Vergangehäit kuum Gränze gsetzt gsi, hützudags beschränkt mä sich uf öbbe acht Hiirichdigsarte: dr elektrisch Stuel, wo sit 1889 in de USA brucht wird, d Chöpfig mit eme Schwärt, s Hänke am Galge, wo dr Hiigrichdeti dur e Bruch vom Gnick stirbt, verstickt oder umchunnt, wil s Hirni käi Bluet me überchunnt, Verschiesse wo si em bim Milidäär Füsiliere sääge, d Stäinigung, e Doodesart wo in dr islamische Scharia vorgschriibe isch, und d Vergifdig antwääder in ere Gaaschammere oder dur e Giftsprützi.

Fuessnoote ändere

  1. Amnesty International: http://www.amnesty.org/ (Englisch).
  Dä Artikel basiert uff ere fräie Übersetzig vum Artikel „Hinrichtung“ vu de dütsche Wikipedia. E Liste vu de Autore un Versione isch do z finde.