Hopfe (Gattig)

Hopfe

Ächte Hopfe (Humulus lupulus), männlechi Pflanze

Systematik

	Kerneudikotyledonen
	Roside
	Euroside I
Ordnig:	Rosenartigi (Rosales)
Familie:	Hamfgwächs (Cannabaceae)
Gattig:	Hopfe

Wüsseschaftlige Name

Humulus lupulus

L.

Der Hopfe (Humulus) isch e Pflanzegattig us der Familie vo de Hanfgwächs (Cannavaceae). Alli Hopfen-Arte chömme uf der Nordhalbchugle vor. Der bekanntischt Verträter us dere Gattig isch der Ächti Hopfe, me seit ihm ou eifach numme Hopfe. Der Ächti Hopfe wird zum braue vo Bier brucht.

Beschrybig

D Humulus-Arte sy schnällwachsendi eijährigi Pflanze. Si sy usduurendi chruutigi Chlätterpflanze, wo sech vo obe us gseh, im Uhrzeigersinn windet. Si ghören also, wi d Geissblatt-Arte, zu de rächtswindende Schlinggwächs. D Stängle u d Blattstiile hei styfi, zwöiarmig gstiilti Haar (Klimmhäkchen). D Stängle sy grob u sächsrippig bis gflüglet. Di gägeständige, gstiilete Loubbletter sy meh oder wenigeer härzförmig u meischtens drü- bis sibe-, ganz sälbe nüünlappig. Es sy Näbebletter vorhande.

D Humulus-Arte sy zwoihüüsig trenntgschlächtlech (diözisch). Di männleche Blüete stöh i lockere, rispige Blüeteständ zäme. Di wybleche Blüete stöh i zapfeförmige, ährige zymöse Blüeteständ zäme. Ihri Hochbletter vergrössere sech we d Blüete verblüjt isch. D Nussfrücht sy breit, eiförmig, woby der Kelch no vorhanden isch.

Wybleche Blüetestand, postfloral ärnteryf
Maschinell geärntete Hopfe
Hopfefäld mit Drahtgstell zum rächtswindende Ufechlettere
V-förmig agordneti Chlätterhilf
Traditionelli Ziehig a Baumstämm im Museumsdorf Kürnbach
Hopfe, Teilaspäkt vo nere wybleche Pflanze

Inhaltsstoff

E Bsunderheit vo der Hopfepflanze isch, dass me di männleche vo de wybleche Blüete cha underscheide. Für d Medizinhärstellig wärde usschliesslech tröchneti Blüeteständ vo der wybleche Hopfepflanze, di sogenannte Hopfezäpfe, verarbeitet. Die beinhalte di würckigsrelevante Bestandteili wi ds Harz mit der Hopfebittersüüri (Humulone u Lupulone), sowi sekondäri Pflanzestoffe wi (Flavonoide), Gärbstoffe u ds Xanthohumol.

Arte u Verbreitig

D Gattig het nur drü Arte:

Der Echti Hopfe (Humulus lupulus L.), isch e mehrmals blüjendi Pflanze, wo bis zu füfzg Jährig cha wärden u underanderem, zum Bierbraue bruucht wird. Vo dere Hopfenart gits zahlrichi Underarte u Sorte vo z Eurasie u z Nordamerika vor chome.
Der Japanisch Hopfe (Humulus scandens (Lour.) Merr., Syn.: Antidesma scandens Lour., Humulopsis scandens (Lour.) Grudzinskaja, Humulus japonicus Sieb. & Zucc.) Die Art isch e einjährigi Pflanze wo z Europa als Zierpflanze bruucht wird. Är isch z China, z Japan, z Korea u z Vietnam heimisch u i der USA gilt är als Neophyt.
Der Yunnan-Hopfe (Humulus yunnanensis Hu): isch e usduurendi u nume i der chinesische Provinz Yunnan bekannti Art.

Literatur

Zhengyi Wu, Zhe-Kun Zhou & Bruce Bartholomew: Cannabaceae in der Flora of China: Volume 5, S. 74: Humulus - Online.
Heinrich J Barth, Christiane Klinke, Claus Schmidt: Der große Hopfenatlas: Geschichte und Geographie einer Kulturpflanze, Fachverlag Hans Carl 1994, ISBN 978-3418007441.

Weblinks

Commons: Hopfen (Humulus) – Sammlig vo Multimediadateie

Jeanine S. DeNoma: Humulus Genetic Resources. (USDA ARS National Clonal Germplasm Repository).

Dä Artikel basiert uff ere fräie Übersetzig vu dere Version vum Artikel „Hopfen“ vu de dütsche Wikipedia. E Liste vu de Autore un Versione isch do z finde.