Ibrahim Ferrer
| Dialäkt: Vorarlbärgisch |
Ibrahim Ferrer (* 20. Februar 1927 in San Luís bi Santiago de Cuba; † 6. August 2005 in Havanna) isch an kubanischa Musika gsi, wo ma vor allem als Bolero-Sänga kennt.
| Ibrahim Ferrer | |
|---|---|
 Ibrahim Ferrer
| |
| Date | |
| Geburtsname | Ibrahim Ferrer |
| Uf d Wält cho | 20. Februar 1927 Havanna, Kuba |
| Gstorbe | 6. August 2005 Havanna, Kuba |
| Genre | Bolero |
| Beschäftigung | Sänger, Musiker, Künstler |
| Instrument | Gsang |
| Label | Nothing, Interscope |
| Het gspiilt mit | Jovenes del Son, D Pacho Alonso Guppa |
Ferrer isch am 20. Februar 1927 bi Santiago de Cuba inam Nachtclub uf d Wealt ko. Sine Muatta isch gschtorba wie na zwölfe gsi isch, drum hot a vo döt a weg uf da Schtroß singa müassa zum Geald vadiana. A johr schpäta hot a mit sinem Cousin d Gruppa „Jovenes del Son“ gründet.
In da nägschta Johr hot a in viela vaschiedena Gruppana gschpiilt und bald amol hot ean s ganze Land kennt. 1953 hot a in Pacho Alonsos Guppa schpielt und isch mit deanna 1959 in d Hauptschtadt Havanna züglt.
1999 isch a mit m Film Buena Vista Social Club in da ganza Wealt berühmt wora. Wim Wenders hot nämle an Doku dräht üba kubanische Musika, wo zäm dia Platta „Buena Vista Social Club“ ufgno hond und 1998 an Grammy dafüa kriagt hond. Bi deana Musika isch o Ibrahim Ferrer dabei gsi.
O sis Solo-Album „A Toda Cuba le Gusta“ isch für an Grammy nominiert gsi. 2004 hot a denn für sis Album „Buenos Hermanos“ den Grammy in der Kategorie „Best Traditional Tropical Latin Album“ kriegt. Ferrer isch am 6. August 2005 in Havanna gschtorba.
Diskografii
ändere- 1999 – Buena Vista Social Club Presents: Ibrahim Ferrer
- 2000 - Tierra Caliente: Roots of Buena Vista
- 2002 - Mis Tiempos Con Chepin
- 2002 - La Colleccion Cubana
- 2002 - Tiempos Con Chepin y Su Orquesta
- 2003 - Buenos Hermanos
- 2004 - Que Bueno Esta
- 2005 - Ay, Candela