Immunologii

D Immunologii oder Immuunbiologii isch d Leer vo de bioloogische und biochemische Grundlaage vo dr körperlige Abweer vo Chrankhäitserreeger wie Bakterie, Wiire und Bilz und andere körperfremde Stoff wie zum Bispil bioloogische Toxiin und Umwältgift, und drüber uuse vo Stöörige und Feelfunkzioone vo deene Abweermechanisme. Si isch e Däildiszipliin vo dr Biologii. Iire Forschigsgeegestand isch s Immuunsüsteem, e Süsteem vo zellulääre und molekulaare Brozäss, wo s Erkenne und d Inaktiwierig vo Chrankhäitserreeger und körperfremde Substanze usfüere. Die Brozäss wärde under em Begriff Immuunantwort zsämmegfasst. Wäge dr zentraale Rolle vom menschligen Immuunsüsteem bi bi e Hufe Chrankhäite isch d Immunologii in dr Mediziin für s Verständnis, d Brevenzioon, d Diagnostik und d Therapii vo Chrankhäite vo groosser Bedütig.

Es git verschiideni Däilgebiet vo dr Immunologii. D Immuunchemii undersuecht d Strukduur vo Antigeen, Antikörper und die chemische Grundlaage vo de Immuunreakzioone. D Immuungenetik undersuecht die geneetischi Wariabilidäät vo Immuunreakzioone, bzw. d Mechanisme zur Erzüügig vo Antikörper, T-Zäll-Rezeptoore und de Komplex, wo Antigeen bresentiere. D Immuunpathologii und die kliinischi Immunologii undersueche Stöörige vom Immuunsüstaem, wo zum Bispil im Fall vo Allergie, bi dr Bildig vo Tumoor und bi Autoimmunchrankhäite ufdräte.

Liddratuur

• Lothar Rink, Andrea Kruse, Hajo Haase: Immunologie für Einsteiger. Spektrum Akademischer Verlag, Häidelbärg 2011, ISBN 978-3-82-742439-6
• Barbara Bröker, Christine Schütt, Bernhard Fleischer: Grundwissen Immunologie. Springer Spektrum, Berlin 2019, ISBN 978-3-662-58329-6
• Charles Janeway, Paul Travers, Mark Walport, Mark Shlomchik: Immunologie. 5. Uflaag, Spektrum Akademischer Verlag, Häidelbärg 2002, ISBN 3-8274-1079-7; Onlineversion, 5th edition, 2001, (änglisch)
• Werner Luttmann, Kai Bratke, Michael Küpper, Daniel Myrtek: Der Experimentator: Immunologie. 2. Uflaag. Spektrum Akademischer Verlag, Häidelbärg 2006, ISBN 3-8274-1730-9
• Arnold Hilgers, Inge Hoffmann: Gesund oder krank. Das Immunsystem entscheidet. Springer, Berlin 1995, ISBN 3-540-59226-1
• Ivan M. Roitt, Jonathan Brostoff, David K. Male: Kurzes Lehrbuch der Immunologie. 3. Uflaag. Thieme, Stuttgart 1995, ISBN 3-13-702103-0
• Abul K. Abbas, Andrew H. Lichtman: Cellular and Molecular Immunology. Saunders (W.B.) Company, Philadelphia 2005, ISBN 1-4160-2389-5
• Hans Schadewaldt: Die Anfänge der Immunbiologie: Emil Behrings Serumtherapie. In: Heinz Schott (Uusegääber): Meilensteine der Medizin. Harenberg Verlag, Darmstadt 1996, S. 375–380, 597 f. und 660 f.
• David E. Normansell: The Principles and Practice of Diagnostic Immunology. Wiley-VCH, Weinheim 1994, ISBN 1-56081-534-5
• Jules A. Hoffmann, Charles A. Janeway Jr., Shunji Natori: Phylogenetic Perspectives in Immunity, The Insect Host Defense. RG Landes Company, Austin TX 1994, ISBN 1-57059-043-5
• Valerie J. Smith: Invertebrate Immunology: Phylogenetic, Ecotoxicological and Biomedical Implications. In: Comparative Haematology International. 1/1991. Springer London, S. 61–76, ISSN 0938-7714

Weblingg

• Deutsche Gesellschaft für Immunologie (DGfI)
• Microbiology and Immunology On-line (änglisch)
• NCBI Bookshelf: Immunobiology – The Immune System in Health and Disease (änglisch)
• Iifüerig in d Immunologii Vo TIMMS, Tübinger Internet Multimedia Server der Uniwersidäät Tübinge.