Induktanz

D Induktanz isch in dr Elektrotechnik dr induktivi Blindwiderstand oder au dr induktivi Wäggselstromwiderstand.

Dr Blindwiderstand von ere Induktiwidäät bi sinusförmige Signal

Für en ideali Spuele mit dr Induktiwidäät $L$ isch iiri Impedanz

${\underline {Z}}_{L}=\mathrm {j} \omega L=\mathrm {j} X_{L}$

wo j die imaginäri Äihäit isch.

Ire Blindwiderstand, wo men em au Induktanz säit, isch dr imaginäri Däill vo dr Impedanz:

$X_{L}=2\pi fL=\omega L$

$X_{L}$ isch e lineare Wäggselstromwiderstand, das häisst er isch vo dr Spannig oder Stromsterki unabhängig, er nimmt aber zue je hööcher d Frekwänz $f$ (bzw. d Kräisfrekwänz $\omega =2\pi f$) wird.

Spuele und Drossle

S Wort Induktanz wird mänggisch as Oberbegriff für Bauelimänt wie Spuele und Drossle brucht, wo füsikalischi Äigeschaft vo dr Induktiwidäät verwände, was aber falsch isch. Sonigi induktiwi Bauelimänte wärde au as Induktiwidäät bezäichnet, dr Begriff Induktiwidäät, wo für die füsikalischi Äigeschaft stot, wird au für s induktive Bauelimänt brucht.

Dä Artikel basiert uff ere fräie Übersetzig vum Artikel „Induktanz“ vu de dütsche Wikipedia. E Liste vu de Autore un Versione isch do z finde.