Ingrid Alexandra vo Norwege

D Ingrid Alexandra, d'Prinzessin vo Norwege (* 21. Jänner 2004 in Oslo), isch d'Tochter vom norwegische Chronprinz Haakon und siinere Ehefrau, de Chronprinzessin Mette-Marit. Sii isch es Mitgliid vom Huus Schleswig-Holstein-Sonderburg-Glücksburg, enere Nebelinie vom Huus Oldenburg.

D'Ingrid Alexandra vo Norwege
S'Royale Monogram vo de Prinzessin Ingrid Alexandra vo Norwege

Lebe ändere

D'Prinzessin Ingrid Alexandra isch am 21. Januar 2004 im Rikshospitalet in Oslo gebore wurde und isch s'erst gmeinsame Chind vom Chronprinz Haakon und de Chronprinzessin Mette-Marit vo Norwege.

D'Prinzessin heisst Ingrid weg de Grossmuetter vo de Mette Marit und weg de Königin Ingrid vo Dänemark (1910–2000). Und Alexandra isch si tauft worde, will de König Olav V. vo Norwege (1903–1991) früener mal Prinz Alexander vo Dänemark gheisse het.

D'Ingrid Alexandra isch am 17. April 2004 i de Schlosschile vom Königliche Schloss in Oslo tauft worde. Iiri Göttis und Gottene sind de König Harald V. vo Norwege, de Chronprinz Frederik vo Dänemark, d'Chronprinzessin Victoria vo Schwede, de König Felipe vo Spanie, d'Prinzessin Märtha Louise vo Norwege und iiri Grossmuetter, d'Marit Tjessem.

Weblink ändere