Internazionaali Filmfeschtspiil Berlin

e Filmfeschtival, wo all Joor z Berlin stattfindet

Di Internazionaale Filmfeschtspiil Berlin, chuurz Berlinale, sin e Filmfeschtival, wu all Joor z Berlin stattfindet. Si zelle nääbe Cannes un Venedig zue dr wiichtigschte Filmfeschtival un gälte as ais vu dr wiichtigschte Eraignis vu dr Filmbranche wältwyt.[1]

Dr Berlinale Palascht an dr Berlinale 2017

Di 70. Berlinale wird vum 20. Februar bis 1. Meerz 2020 uusgriichtet.

IberblickBearbeite

D Film, wu im Wettbewäärb erfolgryych sin, wääre vun ere internazionaale Jury mit „Guldini Bääre“ un „Silbrigi Bääre“ uuszaichnet. Iiber 400 Film wääre in verschiidene Sekzioone bresäntiert. Mit iiber 325.000 verchaufte Yydrittschaarte un rund 490.000 Kinobsuecher insgsamt (mit dr akkreditierte Fachbsuecher) isch d Berlinale s greescht Publikumsfeschtival vu dr Wält. Rund 16.000 Fachbsuecher us 130 Länder nämen am Feschtival dail. Eppe 3.700 Schurnalischte us iiber 80 Länder briichte iber d Zyt vu dr Feschtspiil.[2] Zytglyych mit dr Berlinale findet dr European Film Market (EFM) statt. Dr EFM gheert zue dr internazionaal wiichtigschte Dräffe vu dr Filminduschtry un het si zue me grooße Määrt fir Produzänt*ine, Verleener*ner, Filmyychaifer*ne un Co-Produkzionsagänt*ine etabliert.[3]

Grindet wooren isch d Berlinale anne 1951. Feschtivaldiräkter isch vu 2001 bis 2019 dr Dieter Kosslick gsii. Aktuäll wird s Feschtival vun ere Doppelspitz glaitet, dr Gschäftsfiereri Mariette Rissenbeek un em Chinschtlerische Laiter Carlo Chatrian.

Syter anne 2002 sin di Internazionaale Filmfeschtspiil Berlin e Gschäftsberyych vu dr Kulturveranstaltungen des Bundes in Berlin GmbH. Si cheme ne inschtituzionälli Feerderig iiber vu dr Beufdraite vu dr Bundesregierig fir Kultuur un Meedie.[4]

LiteraturBearbeite

  • Peter Cowie: Die Berlinale. Das Festival. Bertz + Fischer, Berlin 2010, ISBN 978-3-86505-202-5.
  • Matthias Greuling: Cannes, Venedig, Berlin: Die großen Filmfestivals: ein Servicebuch für Filmer und Medienvertreter. Norderstedt 2004.
  • Jürgen Haase (Hrsg.): Zwischen uns die Mauer. DEFA-Filme auf der Berlinale. be.bra, Berlin 2010, ISBN 978-3-8148-0175-9.

WeblinkBearbeite

  Commons: Berlinale – Album mit Multimediadateie

FueßnoteBearbeite

  1. Calendar of FIAPF Accredited Festivals, FIAPF, abgerufen am 16. Mai 2017.
  2. Berlinale 2014 – Zahlen und Fakten, 5. Mai 2014
  3. Berlin Film Festival a market force, Variety, 13. Februar 2008
  4. Kulturveranstaltungen des Bundes in Berlin GmbH (Memento vom 26. Juni 2010 im Internet Archive), 13. Februar 2008