E Isoglosse isch e Inne- oder e Ussegränz bime Dialäkt. Diä Gränz scheidet zwei sprochligi Erschiinunge vun enander. Zum Biispiil

  • Werter, wu s glich beditte: Matte/Wise (= Wiese) oder Atzel/Ägerscht (= Elster)
  • Ändunge: dr groß Hund / dr großi Hund
  • Lütunge: Fiirwehr/Füürwehr oder Lüt/Luut (= Laut)
Ebbe 45.000 Muettersprochler uf 1.400 km², un doch grundlegende dialäktale Unterschiid: E bar Isoglosse vo der färöische Sproch.

Diä bekannteschte Isoglosse zwische nem „Alemannische im engere Sinn“ un em Schwebische sin

  • Huus/Hous, Iis/Ejs, Fiir/Fejer (= Feuer), Fleisch/Floisch


Bi dr Ändunge un bi dr Lüt folgt meischtens nit numme ei Wort däre Gränz, sondern alli Werter vu däm Typ, also im letschte Fall geen wie Fleisch/Floisch

  • Geiß/Gois, Eier/Oier usw.

E bekannti Isoglosse isch aü d k/ch-Liniä.