James Brydges, 1. Duke of Chandos

Dr Henry James Brydges, 1. Duke of Chandos, PC (* 6. Januar 1673 z Dewsall, Herefordshire; † 9. August 1744 z Canons, Whitchurch, Middlesex) isch e britische Aadlige, Bauheer und Mezeen gsi.

His Grace the Duke of Chandos, Usschnitt us eme Bordret vom Michael Dahl (1659-1743)

Dr Brydges het as Musterbild vom korrupte, ummoralische Aadlige us em 18. Joorhundert gulte, wo d Bracht gliebt und d Künst gförderet het. Er isch im Schatte vom Marlborough enorm riich worde und het für sich äins vo de brächdigste Heerehüüser z Ängland lo baue. Sini Zitgenosse häi gsäit, ass zu sine beste Zite si ufwändig Lääbensstil däm vom ene dütsche Kurfürst entsproche häig und häi em dorum "The Princely Chandos" (dr fürstligi Chandos) gsäit. Aber so schnäll wie si Stärn ufgstiige isch, so schnäll isch er wider verlosche. Dr Jonathan Swift het 1734 gschriibe: "Was er dur Betrueg erworbe het, het er dur Akzie verloore.". Zum sini Schulde abzaale, isch noch sim Dood si Residänz Canons abgrisse und s Baumaterial verstäigeret worde.

Dr Chandos isch e Patron und Förderer vom Komponist Georg Friedrich Händel gsi, und si Naame isch dank em Händel sine Chandos Anthems unstärblig worde.

Litratuur ändere

  • John Robert Robinson: The Princely Chandos, A Memoir Of James Brydges, Paymaster-General To The Forces Abroad During The Most Brilliant Part Of The Duke Of Marlborough's Military Career, 1705-1711, Afterwards The First Duke Of Chandos. Weldon 1898.
  • C. H. Collins Baker, Muriel I. Baker: The Life and Circumstances of James Brydges, First Duke of Chandos, Patron of the Liberal Arts., Clarendon Press, Oxford 1949.
  • Joan Johnson: Princely Chandos: James Brydges, 1674-1744. Alan Sutton Publishing, Gloucester, England 1984, ISBN 0862991153.
  • Susan Jenkins: Portrait of a Patron. The Patronage and Collecting of James Brydges, 1st Duke of Chandos, 1674-1744. Aldershot 2007.
  • Vorlage:Britannica 1911
  • James Brydges, 1st Duke of Chandos. In: Encyclopædia Britannica. 11. Auflage. Bd 5. London 1910–1911, S. 839.

Weblingg ändere

  Commons: James Brydges, 1st Duke of Chandos – Sammlig vo Multimediadateie
  Dä Artikel basiert uff ere fräie Übersetzig vum Artikel „James_Brydges,_1._Duke_of_Chandos“ vu de dütsche Wikipedia. E Liste vu de Autore un Versione isch do z finde.