Jan Kruis
Dr Jan Kruis (* 8. Juni 1933 z Rotterdam als Johannes Andries Kruis, † 19. Jänner 2017 z Mantinge, Provinz Drente) isch e niderländische Comiczeichner und Täggschter gsii. Scho als Chind hed är syni erschte Comics zaichned. Bekannt worde isch är mid «Jan, Jans en de kinderen», ere Comic-Sery wo us One-Pagers beschtoot, wo syt 1970 in dr niderländische Frauezytschrift "Libelle" veröffentligt worde isch. In dr Dütschschwyz isch die Sery unter em Name «Die Tromps» bekannt und isch friener in dr Schielerzytschrift «Spick» erschine. Dr dütschi Favorit-Verlag hed d Sery friener unter em Name «Ulli, Ulla und die Kinder usebrocht». Friener hed dr Jan Kruis im Studio vom holländische Comics-Pionier Maarten Toonder gschafft. Är isch dr Vatter vo dr Comic-Zaichnerin Andrea Kruis. 1996 isch dr Jan Kruis Ritter im Orde vom niderländische Leu worde.
