Jennifer Lawrence

D Jennifer Shrader Lawrence (* 15. August 1990 z Louisville, Kentucky) isch en US-amerikanischi Schauspilleri.

Läbe ändere

D Jennifer Lawrence isch mit 14i mit irne Eltere Karen und Gary vo Kentucky uf New York zoge, um Schauspileri z wärde. 2006 het si inere Näberolle im Färnsehdrama Company Town debütiert. De Durchbruch het si 2010 mit de Hauptrolle im Independent-Film Winter's Bone, ere Literaturverfilmig, gschafft. Für d Rolle als muetigs Meitli het d Jennifer Lawrence zahlrychi Filmpriis gwunne und het en Oscar-Nominierig für di besti Hauptdarstelleri übercho.

Die nächsti grossi Rolle isch d Katniss Everdeen gsi. Nach em erste Film Die Tribute von Panem - The Hunger Games vo 2012 het si di Rolle bis 2015 no wytere Verfilmige dargstellt. Au als Mutantin Mystique isch si i de Marvel-Comic-Verfilmige vo X-Men zgseh gsi.

Am erfolgrychste isch für d Jennifer Lawrence aber de Film Silver Linings gsi, wil si 2013 für d Hauptrolle als Tiffany näbem Bradley Cooper en Oscar und e Golden Globe gwunne het.

D Jennifer Lawrence isch eini vo de wichtigste und bestverdiendste Schauspilerinne vo Hollywood. Im August 2014 het en Unbekannte en Hackeragriff verüebt und Nacktbilder vo ire im Internet veröffentlicht. Syt 2019 isch d Lawrence mit em Kunsthändler Cooke Maroney verhüratet.

Filmografy (Uswahl) ändere

D Lawrence bi de Oscarverleihig 2011

D Lawrence bi Wetten, dass..? z Graz 2014

2006: Company Town (Färnsehfilm)
2006: Monk (Fernsehserie, Folge 5x03 Mr. Monk als Trainer)
2007: Cold Case – Kein Opfer ist je vergessen (Cold Case, Fernsehserie, Folge 4x18 Der Ein-Dollar Traum)
2007: Not Another High School Show (Fernsehfilm)
2007, 2008: Medium – Nichts bleibt verborgen (Medium, Fernsehserie, Folgen 3x07 und 4x02)
2007–2009: The Bill Engvall Show (Fernsehserie, 31 Folgen)
2008: Garden Party
2008: Auf brennender Erde (The Burning Plain)
2008: The Poker House
2010: Winter’s Bone
2011: Like Crazy
2011: Der Biber (The Beaver)
2011: X-Men: Erste Entscheidung (X-Men: First Class)
2012: Die Tribute von Panem – The Hunger Games (The Hunger Games)
2012: Silver Linings (Silver Linings Playbook)
2012: House at the End of the Street
2013: The Devil You Know
2013: Die Tribute von Panem – Catching Fire (The Hunger Games: Catching Fire)
2013: American Hustle
2014: X-Men: Zukunft ist Vergangenheit (X-Men: Days of Future Past)
2014: Serena
2014: Die Tribute von Panem – Mockingjay Teil 1 (The Hunger Games: Mockingjay – Part 1)
2015: Dior und Ich (Dior and I)
2015: Die Tribute von Panem – Mockingjay Teil 2 (The Hunger Games: Mockingjay – Part 2)
2015: Joy – Alles außer gewöhnlich (Joy)
2016: X-Men: Apocalypse
2016: Passengers
2017: Mother!
2018: Red Sparrow
2019: X-Men: Dark Phoenix (Dark Phoenix)
2021: Don’t Look Up

Weblink ändere

Commons: Jennifer Lawrence – Sammlig vo Multimediadateie

Jennifer Lawrence in dr Internet Movie Database
Jennifer Lawrence bi AllMovie (änglisch)
Jennifer Lawrence bi Moviepilot

Dä Artikel basiert uff ere fräie Übersetzig vum Artikel „Jennifer_Lawrence“ vu de dütsche Wikipedia. E Liste vu de Autore un Versione isch do z finde.