Josep Roca i Bros
Dr Josep Roca i Bros (uf d Wält cho 1815 z Abrera, Brovinz Barcelona, gstorbe 1877 z Figueras, Brovinz Gerona) isch e schbanische Archdekt gsi. Er het im neoklassische Stil baut und isch vor allem z Figueras däätig gsi, won er dr Stadtarchidekt gsi isch. Sis Hauptwärk isch s Hauptheater vo Figueras gsi, won er vo 1848 bis 1850 baut het. Es isch 1939 aabebrennt und 1968 het s dr Salvador Dalí as Museum für sini Wärk wider ufbaut. Anderi Baute vom Roca i Bros si d Iglesia de la Divina Providencia (1852) gsi, Familiehüüser wie d Casa Romaguera (1852), d Casa Puig (1855), d Casa Oriol (1859) und anderi. 1855 het er Industriigeböid konstruiert wie d Carrer Nou-Fabrik.
Er het d Akademii für neoklassischi Archidektuur gründet und e Räije vo katalanische Archidekte häi sini Ideä witergfüert.
D Bibliothek in sim Heimetort Abrera isch noch iim benennt.
Kwelle
ändere- Josep Roca i Bros (Gran Enciclopèdia Catalana)