KTS (Friburg)

Zentrum vu de Autonome Szene z Friburg
Dialäkt: Friburgerisch (eltere Stadtdialekt)

S Autonom Zentrum KTS isch e Inschtitution vu de Autonome Szene im Stadtdail Wieri z Friburg.

Iigang vu de KTS Friburg im Oktower 2003

D KTS isch anne 1994 in eme bsetzte Huus vu de ufglossene Vauban-Kaserne entstande, wu anne 1938 as Schlageter-Kaserne baut un 1945 vu de Franzose iwernumme wore isch un wu de hitig Stadtdail Vauban drus entstande isch. Nodem s sit de Huusbsetzige in de 1980er-Johr ender rueig um d Friburger autonom Szene wore isch, het si dur de Bau vum Konzerthuus Friburg (em stedtische Kongress- un Veraastaltigszentrum, wu s 996 eröffneten) e gwissi Renaissance erlebt. Des Großprojekt isch unter de Burger weg de Keschte umstritte gsii, un vor allem alternativi Kulturprojekt hän weg de Bau- un Unterhaltigskschte Noodail im Wettbewerb um stedtischi Mittel gferchtet. S Konzerthuus isch in de alternative Szene zue me Symbol vu de kommerzialisierte Mainstream-Kultur wore. D KTS het si mit ihrem ihrem Programm an Independent-Konzert, bolitische Diskussionsrunde, Volxkuchine, Infoläde un Umesunschtläde as alternative Gegenpol verstande.

De Name „KTS“ stoot fir „Kulturtreff in Selbstverwaltung“ un isch in Aalehnig an de provisorische Name „Konzert- und Tagungsstätte“ vum Konzerthuus in de Planigsphase gwehlt wore.

Wu s urspringlig Domizil uf em Vauban-Gländ dur d Stadt gruumt wore isch, het d KTS anne 1998 in eme vu de Stadt aagmieteteBahngebei, wu leer gstande isch, e neii Unterkumft gfunde. Wu de Mietverdrag anne 2004 vu de Ditsche Bahn wege Sterige vum Bahnbedibr kindet wore isch, isch s witter Schicksal vu de iwer Monet uugwiss gsii. 2005 isch no lange Verhandlige zwische de Bahn, de Stadt Friburg un em Ferderverain Subkultur e. V. e Kompromiss gfunde un de Witterbstand bis Endi 2007 gsicheret wore. Im Jänner 2008 isch e neie, desmol uubfrischtete Verdrag unterschriwe wore.

Mit em Verbot vu de Informationsplattform linksunten.indymedia.org as Dailberich vu de internationale Indymedia.org isch d KTS am 25. Augschte 2017 dursuecht wore. D Bolizei Bade-Wirtteberg het ab em halber sechsi am Morge mit 250 Beamte d Riim vu de KTS un vier anderi Riim z Fribur no Sache dursuecht, wu im Zämmehang mit linksunten.indymedia.org kennte stoh. De Bundesinneminischter Thomas de Maizière (CDU) het gsait, Ziil vum Verbot sei „die Zerschlagung der Vereinsstruktur sowie die Beschlagnahmung des Vereinsvermögens“.[1]

Weblink ändere

  Commons: KTS (Freiburg im Breisgau) – Sammlig vo Multimediadateie

Fueßnote ändere

  1. Innenministerium verbietet linksextreme Internetplattform – Räume der KTS in Freiburg durchsucht. In: Badische Zeitung. (badische-zeitung.de [abgerufen am 25. August 2017]).

Koordinate: 47° 59′ 9,8″ N, 7° 49′ 51,8″ O

  Dä Artikel basiert uff ere fräie Übersetzig vu dere Version vum Artikel „KTS_(Freiburg_im_Breisgau)“ vu de dütsche Wikipedia. E Liste vu de Autore un Versione isch do z finde.