Kabinett Blos I
S Kabinett Blos I isch vum 11. Novämber 1918 bis 7. Merz 1919 d Landesregierig vu Wirttebärg gsii.
| Amt | Name | Bartei |
|---|---|---|
| Minischterbresidänt Ussers |
Wilhelm Blos | SPD |
| Inners | Arthur Crispien bis 10. Jänner 1919 |
USPD |
| Finanze | Theodor Liesching | Demokrat |
| Juschtiz | Johann Baptist Kiene | Z |
| Chrieg | Albert Schreiner bis 15. Novämber 1918 |
USPD |
| Ulrich Fischer bis 10. Jänner 1919 |
USPD | |
| Immanuel Herrmann | SPD | |
| Ernehrig | Julius Baumann | Demokrat |
| Arbet | Hugo Lindemann | SPD |
| Kult | Berthold Heymann | SPD |
Wu z Stuegert am 9. Novämber 1918 d Nochricht vu Berlin yydroffen isch, ass dr Philipp Scheidemann d Republik uusgruefe ghaa het, hän si Verdrätter vu dr SPD un dr USPD am spoote Nomittag in Ruum vum wirttebärgischen Landdag uf d Bildig vun ere provisorische Regierig gainigt. Vorsitzer sin dr Wilhelm Blos (Uasseminischter) un dr Arthur Crispien (Inneminischter) wore. As anderi Kandidate vu dr SPD sin dr Hermann Mattutat fir dr Juschtizminichter, dr Theodor Heymann fir dr Kultminischter un dr Dr. Hugo Lindemann as Arbetsminischter vorgschlaa wore. Vu dr USPD sin dr Spartakischt un Vorsitzer vum Stuegerter Soldaterot Albert Schreiner as Chriegsminischter un dr August Thalheimer as Finanzminischter vorgschlaa wore. Dr Blos het in ere vu ihm verfasste Proklamation an s wirttebärgisch Volk feschtgstellt: „Die Republik ist erklärt.“ Am Morge vum 10. Novämber, eme Sunntig, hän si dr Wilhelm Blos un dr Wilhelm Keil druf gainigt, ass di nächti ufgstellt Kabinettslischt soll gänderet wäre. Mit Ruggsicht uf di effetli Mainig, di notwändig Mitarbet vu dr Beamteschaft un di Demobilisierig vu dr Armee, wu bal chuu isch, hän au Verdrätter vu dr ibrige demokratische Barteie sotte in d Regierig yydrätte. Am 11. Novämber 1918 het dr Schef vum cheniglige Zivilkabinett, dr Konstantin von Neurath, uf delifonischem Wäg dr Chenig Wilhelm II. derzue brocht, ass där d Minischter vu dr Regierig Liesching vu ihrem Dreiaid entbunde het, wu si am Morge vum 9. Novämber im Wilhelmspalais glaischtet ghaa hän. Dodruf sin am 11. Novämer dr Theodor Liesching statt em Thalheimer, dr Johann Baptist Kiene statt em Mattutat un derzue au dr Julius Baumann in s Kabinett Blos yydrätte.
Literatur
ändere- Ansbert Baumann: Die Protokolle der Regierung des Volksstaates Württemberg. Band 1: Die provisorische Regierung und das Kabinett Blos. November 1918 – Juni 1920 (= Kabinettsprotokolle von Baden und Württemberg 1918–1933. Teil 2, Bd. 1). Kohlhammer, Stuttgart 2013, ISBN 978-3-17-023032-3.
- Klaus Schwabe (Hrsg.): Die Regierungen der deutschen Mittel- und Kleinstaaten. 1815–1933 (= Deutsche Führungsschichten in der Neuzeit. Bd. 14 = Büdinger Forschungen zur Sozialgeschichte. Bd. 18). Boldt, Boppard am Rhein 1983, ISBN 3-7646-1830-2.
- Bertold Spuler: Regenten und Regierungen der Welt. = Sovereigns and Governments of the World. Teil 2, Band 4: Neueste Zeit. 1917/18–1964. 2. Auflage. Ploetz, Würzburg 1964.
|
Dä Artikel basiert uff ere fräie Übersetzig vu dere Version vum Artikel „Kabinett_Blos_I“ vu de dütsche Wikipedia. E Liste vu de Autore un Versione isch do z finde. |