Karin Leonhard

Dialäkt: Undermarkgreflerisch

D Karin Leonhard (* 1969) isch e dytschi Chunschthischtorikeri. Syt 2015 isch si Brofässeri fir Chunschtwisseschaft an dr Universitet Konschtanz.

Leben

D Leonhard het vu 1988 bis 1995 Chunschtgschicht, Neieri dytschi Literatur un Theaterwissenschaft an dr LMU Minche studiert. Iri Magischterarbet het si gschribe iber „Kunst als Erlösung. Kandinskys theosophisches Kunstkonzept“. Anne 2001 het si an dr LMU Minche promoviert mit ere Dissertation zum Thema „Das gemalte Zimmer. Zur Interieurmalerei Jan Vermeers“.

2004 het si as wisseschaftligi Mitarbaiteri am Inschtitut fir Chunschtgschicht an dr Universitet Leipzig im interdisziplinäre Tandemprojäkt „Historische Wahrnehmungsformen in Bild und Text“ gforscht. Vu 2005 bis 2011 isch si Wisseschaftligi Assischtänti am Lehrstuel fir Chunschtgschicht an dr KU Eichstätt-Ingolstadt gsii. 2007 het si am Elite-Masterstudiengang „Historische Kunst-und Bilddiskurse“ vu dr LMU Minche, dr Universitet Augschburg un dr Uni Eichstätt dailgnuu un 2009 bis 2011 het si fir zwai Johr e Stipändium am Chunschthischtorische Inschtitut z Floränz ghaa. Im Novämber 2012 het si an dr Sproch- un Literaturwisseschaftlige Fakultet mit ere Arbet iber „Bildfelder. Stilleben und Naturstücke des 17. Jahrhunderts“ habilitiert.

Vu 2011 bis 2014 het si as Senior Research Fellow am Max-Planck-Inschtitut fir Wisseschaftsgschicht z Berlin in dr Forschergruppe „Art and Knowledge in Pre-Modern Europe“ gforscht. 2012 bis 2013 het si ne Verdrättigsprofessur am Inschtitut fir Chunschtwisseschaft an dr Hochschuel fir Bildendi Chinscht z Braunschweig ghaa un 2013 isch si Brofässeri am Inschtitut fir Chunschtgschicht an dr Universitet Bonn gsii. 2015 het si dr Ruef an dr Lehrstuel fir Chunschtwisseschaft an dr Universitet Konschtanz aagnuu.

Forschigsschwärpinkt vu dr Leonhard sin Ruum- un Woornämigstheorie vu dr Frieje Neizyt, vor allem d Wisseschafts- un Woornämigsgschicht vum 17. Johrhundert. Dezue forscht si zue chisnschtlerische Tendänze vu dr frieje Abstraktion um 1900 un zue dr Chunschtgschicht vu sällere Zyt.

2007/08 isch si Grindigsmitglid vum „Arbeitskreis Niederländische Kunst-und Kulturgeschichte“ (ANKK) gsii. 2008 bis 2010 isch si Sprächeri vum Netzwärch fir Noowugsforscher*ne „Ad fontes! Neue Forschungen zu Bildkonzepten des niederländischen 17. Jahrhunderts“ gsii.

Vu 2014 bis 2016 isch si Ehrekuratori vum Rijksmuseum, Amsterdam gsii,

Biecher

• Karin Leonhard: Das gemalte Zimmer. Zur Interieurmalerei Jan Vermeers, München 2003, ISBN 3-7705-3876-5
• Karin Leonhard: Bildfelder. Stilleben und Naturstücke des 17. Jahrhunderts, Berlin 2013, ISBN 978-3-05-006325-6
• Karin Leonhard, Claudia Fritzsche, Gregor J. M. Weber: Ad Fontes! Niederländische Kunst des 17. Jahrhunderts in Quellen, Petersberg 2013, ISBN 978-3-86568-786-9

Ufsätz

• Karin Leonhard: White earth, or how to cultivate color in the field of painting still life and Baroque color theory. In: Vision and its instruments, ed. by Alina Payne (University Park, Penn State University Press, 2015), S. 190–215.
• Karin Leonhard: Mutter Erde, oder die Farbe Braun – zur Promiskuität des barocken Bildfelds. In: Natalität, hg. von Aage A. Hansen-Löve; Michael Ott; Lars Schneider (Paderborn 2015), S. 151–169.
• Karin Leonhard: Ornament und Zeitlichkeit. Kartusche, Rocaille, Arabeske. In: Bild und Zeit. Temporalität in Kunst und Kunsttheorie seit 1800, hg. von Thomas Kisser, Paderborn 2011, S. 63–85.

Weblink

• Websyte vu dr Karin Leonhard an dr Universitet Konschtanz
• Rezension vu dr Gudrun Swoboda zue „Bildfelder“