Charpfenartigi

Charpfenartigi
Karausche (Carassius carassius)
Systematik
Deilchlass: Ächti Chochefisch (Teleostei) Überkohorte: Clupeocephala Kohorte: Ostarioclupeomorpha (Otomorpha) Unterkohorte: Ostariophysi ohne Rang: Otophysi (Otophysa) Ordnig: Charpfenartigi
Wüsseschaftlige Name
Cypriniformes
Goodrich, 1909

Di Charpfenartige (Cypriniformes) sin en arterychi Ornig vu Sießwasserfisch. Si cheme z Europa, z Asie, z Afrika un z Nordamerika vor un dominiere vylfach di dertig Fischfauna. Z Sidoschtasien isch dr Arterychdum am greschte. Charpfenartigi hän am liebschte wermer Wasser, im Norde un in chalte Bärgbach wäre si all mee vu Forällefisch ersetzt. Si fähle z Sidamerika, z Madagaskar, z Auschtralien un eschtli vu dr Wallace-Linie.

Merkmol

Brachtschmerle (Chromobotia macracanthus)

Di Charpfenartige sin zmaischt schlanki bis hochruggigi Fisch. Unter der Schmerle git s au e baar oolartig langgestreckti Forme (Moorgrundle, Dornauge). Arten us gmäßigte Regionen un großi tropischi Forme sin zmaischt schlicht, chlaini tropischi Arte vylmol bunt gfärbt un gärn ghalteni Aquariefisch.

D Chifer, di andere Muulchnoche un d Chiemebege 1 bis 4 sin zahnlos, im Racheruum sitze ai bis zwoo Raie Schlundzehn uf sichelfermige Schlundchnoche. D Schlundzehn sin e wichtig Merkmol fir d Artbstimmig. S Muul isch vylmol stark vorwelbbar, d Lippel vylmol mit Bartle bsetzt. Zwische Furtsetz vu dr Praemaxillare sitzt e Kinethmoid gnännte Chnoche, wu fir d Charpfenartie tipisch isch. Chopf- un Chiemedeckel sin nackig, dr Rumpf mit Elasmoidschiebe deckt. E Fettflosse fählt. Gräte, Verchnecherige vum Bindgwääb zwische dr Muskelsegment, sin vylmol arg zahlrych. D Schwimmblotere isch dur Yyschnierige in zwoo oder drei Chammere dailt un het e Verbindig zum Vorderdarm, aber ohni inneri Wand.

Di meeschte Charpfenartige sin chlaini bis mittelgroßi Fisch. Dr grescht isch Tor putitora, e sidoschtasiatischi Art us dr Familie vu dr Cyprinidae, wu bis uf e Lengi vu 2,75 Meter chaa chuu. Aber au dr chlaischt Fisch, wu mer chännt, isch e Charpfenartige, Paedocypris progenetica chunnt uf e Lengi vu 10 mm.

Sischtematik

D Ornig vu dr Charpfenartige (Cypriniformes) ghert zäme mit dr Salmlerartige, dr Welsartige un zwoo andere Familie mit weniger Arte (di Sandfischartige un d Neiwält-Mässerfisch) zue dr Iberornig vu dr Ostariophysi, wu dodermit d Meezahl vu allne Sießwasserfisch umfasst. Zue dr Charpfenartige ghere sechs Familie un rund 3730 Arte, also rund zwelf Brozänt vu allne Fischarte.

Zebrabärbling (Danio rerio)

• Schmerlenartige (Cobitoidea)
  • Suugcharpfe (Catostomidae) (iber 70 Arte)
  • Suugschmerle (Gyrinocheilidae) (3 Arte)
  • Brachtscherle (Botiidae) (rund 50 Arte)
  • Vaillantellidae (3 Arte)
  • Staibysser (Cobitidae) (rund 130 Arte)
  • Flossesuuger (Balitoridae) (rund 170 Arte)
  • Ellopostomatidae (2 Arte)
  • Bachschmerle (Nemacheilidae) (iber 400 Arte)
  • Barbuccidae (2 Arte)
  • Serpenticobitidae (3 Arte)
• Cyprinoidea
  • Charpfefisch (Cyprinidae) (iber 2700 Arte)
  • Spindelscherle (Psilorhynchidae) (18 Arte)

Literatur

• Joseph S. Nelson, Fishes of the World, John Wiley & Sons, 2006, ISBN 0-471-25031-7
• Kurt Fiedler, Lehrbuch der Speziellen Zoologie, Band II, Teil 2: Fische, Gustav Fischer Verlag Jena, 1991, ISBN 3-334-00339-6
• Wilfried Westheide & Reinhard Rieger: Spezielle Zoologie Teil 2: Wirbel und Schädeltiere, 1. Auflage, Spektrum Akademischer Verlag Heidelberg • Berlin, 2004, ISBN 3-8274-0307-3
• Mayden et al.: Inferring the Tree of Life of the order Cypriniformes, the earth’s most diverse clade of freshwater fishes: Implications of varied taxon and character sampling. Journal of Systematics and Evolution 46 (3): 424–438 (2008) doi:10.3724/SP.J.1002.2008.08062 (currently unavailable)

Weblink

 Commons: Charpfenartigi – Sammlig vo Multimediadateie

• Karpfenartige uf Fishbase.org (englisch)

• Cypriniformes.org
• Cypriniformes Tree of Life
• Cypriniformes Tree of Life, PowerPoint-Präsentation

Fueßnote

Dä Artikel basiert uff ere fräie Übersetzig vu dere Version vum Artikel „Karpfenartige“ vu de dütsche Wikipedia. E Liste vu de Autore un Versione isch do z finde.