Mit Katapult (altgriech. καταπέλτης katapeltēs, κατά kata „gegen“ und πάλλειν pallein „schlöidere“), au Wurfmaschine, bezäichnet mä e groossi Färnwaffe, wo nit dragbar isch und wo Gschoss mit Hilf vo mechanischer Energii us em Ruezuestand stark beschlöinigt.

Bauforme ändere

 
Mechanischi Artillerii in dr Antike (Noochbaute): Katapult, Repetierarmbrust, Gastraphetes

D Bezäichnige vo de verschiidene Bauforme vo Katapult si nit äihäitlig. Si variieren stark vo dr Epoche und dr Sprooch wo dennzumol vorgherrscht het.

Grundsätzlig si zwäi Brinzipie iigsetzt worde: d Fääderchraft und d Zugchraft. S Ziil isch s gsi, ass s Gschoss e möögligst hoochi kinetischi Energii überchunnt und dass es möögligst sis Ziil drifft. Bi Katapult mit eme Heebelarm isch am Ändi vom Heebelarm au no e Schlöidersäili aagmacht gsi, wo äänlig wie e Schlöidere funkzioniert het oder es het en Art Löffel oder Chorb am Ändi vom Heebelarm ghaa, wo mä s Gschoss dri doo het.

Fääderchraftkatapult ändere

D Fääderchraft isch für liichti und middleri Katapult s gäignete Brinzip. D Chraft wird von ere Blattfäädere oder ere Torsionsfäädere (Torsionsgschütz) erzügt. Zum e gröösseri Energii chönne spiichere, het mä mänggisch bäidi Brinzipie gliichzitig usgnützt.

Zuugchraftkatapult ändere

Middleri und groossi Katapult häi d Schwerkraft usgnützt und d Zugchraft vom ene Gegegwicht brucht. Bi chliinere Modäll het mä au d Zugchraft vo Mensche iigsetzt. Bi dr Blide bzw. em Trebüsche isch am Ändi vom Heebelarm non e Schlöidersäili gsi.

Litratuur ändere

  • Hans Aufheimer: Schiffsbewaffnung von den Anfängen bis zur Mitte des 19. Jahrhunderts. VEB Hinstorff Verlag, Rostock 1983.
  • Hans Michael Schellenberg: Diodor von Sizilien 14,42,1 und die Erfindung der Artillerie im Mittelmeerraum. Frankfurter elektronische Rundschau zur Altertumskunde 3 (2006), Site 14–23. Frankfurt 21. Dezämber 2006. Onlineversion in der Hochschulbibliothek Frankfurt (PDF)
  • Friedrich Engels: Katapult. in Karl Marx/Friedrich Engels: Werke, Seite 265. Dietz Verlag, Berlin. Band 14, 4. Uflaag 1972. unveränderete Noochdruck vo dr 1. Uflaag 1961, Berlin/DDR. Onlineversion in The New American Cyclopædia, Band IV.
  • Der Auerberg, C.H.Beck Verlag, 1994 ISBN 9783406375002, Iigschränkti Vorschau uf books.google.de
  • Robert Grosse, Römische Militärgeschichte von Gallienus bis zum Beginn der byzantinischen Themenverfassung, 1920, ISBN 9780405070839, Iigschränkti Vorschau uf books.google.de

Weblingg ändere

  Commons: Katapult – Sammlig vo Multimediadateie
  Dä Artikel basiert uff ere fräie Übersetzig vum Artikel „Katapult“ vu de dütsche Wikipedia. E Liste vu de Autore un Versione isch do z finde.