Die kaukasischi Sproochgrubbe

Under em Begriff kaukasischi Sprooche fasst mä d Sprooche vom Kaukasusgebiet zämme, wo dört scho vor dr Iiwanderig vo de indogermanische, turkische und semitische Bevölkerigsgrubbe gschwätzt worde si. Es git öbbe 40 kaukasischi Sprooche us drei Sprachfamiliene, wo vo öbbe 9 Millioone Lüt gschwätzt wärde.

D Leer vo de kaukasische Sprooche wird as Kaukasistik, Kaukasologii oder Kaukasiologii bezäichnet, iiri Fachverdräter häisse Kaukasologe oder Kaukasiologe.

Alternativi Bezäichnige

Alternativi Bezäichnige für die kaukasische Sprooche si paläokaukasisch, altkaukasisch oder ibero-kaukasisch, und das wil d Grieche de Bewooner vom Südkaukasus Iberer gsäit häi. Mä brucht aber die Bezäichnig hüte nüme, wil si nüt mit dr iberische Halbinsle z due het und mä sä chönnt missverstoo.

Klassifikazioon vo de kaukasische Sprooche

Es isch seer unwoorschiinlig, ass die kaukasische Sprooche e genetischi Äinhäit (e Sproochfamilie) bilde. D Meerhäit vo de Forscher goot hüte vo drei unabhängige genetische Äinhäite oder kaukasische Sproochfamiliene us, und die wärde so bezäichnet:

Kartwelisch oder Südkaukasisch
Abchasisch-Adygisch oder Nordwestkaukasisch
Nachisch-Dagestanisch oder Nordostkaukasisch

Die südkaukasische Sprooche wärde südlig, die nordwest- und nordostkaukasische Sprooche hauptsächlig nördlig vom Kaukasus-Hauptkamm gschwätzt, wo vo Nordweste uf Südoste goot.

Mänggi Forscher fasse s Nordwest- und Nordostkaukasische zu dr genetische Äinhäit „Nordkaukasisch“ zämme. D Hüpothese, wo früener vilmol verdräte worden isch, ass alli kaukasische Sprooche en Äinhäit sige, het hüte kuum no Aahänger. E baar Wüsseschaftler halte nöierdings sogar d Äinhäit vo de nordostkaukasische Sprooche für frooglig und däile sä in e nachischi und dagestanischi Familie ii. Undenooche isch d Klassifikazioon vo de kaukasischen Sprooche noch em aktuelle Stand vo dr Forschig in die drei Sproochfamiliene Südkaukasisch, Nordwestkaukasisch und Nordostkaukasisch.

Die südkaukasische oder kartwelische Sprooche

Südkaukasisch (Kartwelisch)
- Swanisch (35.000)
- Georgisch (4 Mio.)
- Sanisch
  - Lasisch (35.000)
  - Mingrelisch (500.000)

Die nordwestkaukasische oder abchasisch-adygische Sprooche

Nordwestkaukasisch (Abchasisch-Adygisch)
- Abchasisch-Abasinisch
  - Abchasisch (105.000)
  - Abasinisch (45.000)
- Tscherkessisch-Ubychisch
  - Tscherkessisch
    - Kabardinisch (Ost-Tscherkessisch) (650.000)
    - Adygeisch (West-Tscherkessisch) (300.000)
  - Ubychisch
    - Ubychisch †

Die nordostkaukasische oder nachisch-dagestanische Sprooche

Nordostkaukasisch (Nachisch-Dagestanisch)
- Nachisch
  - Vejnachisch
    - Tschetschenisch (1 Mio.)
    - Inguschisch (230.000)
  - Batsisch
    - Batsisch (3.000)
- Dagestanisch
  - Awarisch-Andisch-Didoisch
    - Awarisch
      - Awarisch (600.000)
    - Andisch
      - Achwachisch (5.000)
      - Andisch (10.000)
      - Bagwalalisch (6.000)
      - Botlichisch (1.000)
      - Godoberisch (3.000)
      - Karatinisch (6.000)
      - Tindisch (5.000)
      - Tschamalalisch (6.000)
    - Didoisch
      - Beschtinisch (3.000)
      - Chwarschinisch (2.000)
      - Hinuchisch (200)
      - Hunsibisch (2.000)
      - Tsesisch (Didoisch) (15.000)
  - Lakisch-Darginisch
    - Darginisch (370.000)
    - Lakisch (110.000)
  - Lesgisch
    - Samurisch
      - Aghulisch (20.000)
      - Lesgisch (450.000)
      - Rutulisch (20.000)
      - Tabassaranisch (95.000)
      - Tsachurisch (20.000)
    - Schah-Dagh-Gruppe
      - Buduchisch (2.000)
      - Krysisch (6.000)
    - Udisch
      - Udisch (9.000)
    - Artschinisch
      - Artschinisch (1.000)
  - Chinalugisch
    - Chinalugisch (1.500)

Litratuur

Gerhard Deeters: Armenisch und kaukasische Sprachen. Handbuch der Orientalistik. Bd 7,1. Brill, Leiden 1963.
Adolf Dirr: Einführung in das Studium der kaukasischen Sprachen. Asia Major, Leipzig 1928, 1978 (Repr.).
Aharon Dolgopolsky: The Nostratic Macrofamily and Linguistic Palaeontology. The McDonald Institute for Archaeological Research, Cambridge 1998. ISBN 0-9519420-7-7
Aharon Dolgopolsky, Vitaly Shevoroshkin (Hrsg.): Languages and their speakers in ancient Eurasia. Dedicated to Professor Aharon Dolgopolsky on his 70th birthday. Canberra 2002. ISBN 0-9577251-3-2
George Hewitt: Introduction to the study of the languages of the Caucasus. LINCOM EUROPA, München 2004. ISBN 3-89586-734-9
Georgij A. Klimov: Einführung in die kaukasische Sprachwissenschaft. Buske, Hamburg 1994. ISBN 3-87548-060-0
Vitaly Shevoroshkin: Nostratic, Dene-Caucasian, Austric, and Amerind. First International Interdisciplinary Symposium on Language and Prehistory. Ann Arbor Mich. 1988. Brockmeyer, Bochum 1992. ISBN 3-8196-0032-9
Alice C. Harris: The Kartvelian Languages. Bd 1. Caravan Books, Delmar NY 1991. ISBN 0-88206-068-6
B.G.Hewitt: The North West Caucasian Languages. Bd 2. Caravan Books, Delmar NY 1989. ISBN 0-88206-069-4
Michael Job: The North East Caucasian Languages. Bd 3. Part 1. Caravan Books, Ann Arbor MI 2004. ISBN 0-88206-070-8
Rieks Smeets: The North East Caucasian Languages. Bd 4. Part 2. Caravan Books, Delmar NY 1994. ISBN 0-88206-081-3

Weblingg

Dä Artikel basiert uff ere fräie Übersetzig vum Artikel „Kaukasische_Sprachen“ vu de dütsche Wikipedia. E Liste vu de Autore un Versione isch do z finde.