Chesselfleisch

Chesselfleisch odder Wellfleisch sait mò zum kochtè Buuch- un Chopffleisch von èrè Sau sowiè deilwys d Innereiè von èrè Sau (wenn sèlli nit schu für s Wurschtmachè vobruucht worrè isch). S Chesselfleisch wörd traditionèll uumittelbar nõch èm Metzgè in èm Chessel gmacht. Mit witterè Zuètatè wiè nèrè frischè Bluèt- un Läbberwurscht isch s Chesselfleisch Deil von èrè Schlachtblattè.

Chesselfleisch, wo us ènèm Grind von èrè Sau gmacht worrè isch

Wellfleisch (Sauèbuuch) z Sachsè

Für s Chesselfleisch wörrèd folgendi Fleischsortè un Innereiè bruucht:

• Buuchfleisch
• Sauègrind odder Backèfleisch (Backerl)
• Lälli
• Härz
• Läbbèrè
• Nyrli
• Kronfleisch (vo allem z Bayern un z Öschterrych)

Zuèbreitung

D Zuètatè wörrèd je nõch Kochzit nõchènand in lycht sǜdendes Wasser gää, gwürzt wörd denn uff èm Deller mit Saalz, Pfeffer, Zwiblè, Majoran un eventuèll Knoblich.

Je nõch Region un Gschmack wörd Chesselfleisch mit Härdöpfel un Sùùchrutt (z. B. z Fròngn odder Sachsn) odder nu mit Brot (z. B. im Obberbayrischè) servyrt. Dezuè wörd hüüfig Sempf odder Meerettich dezuè gää.

Bezeichnungè

Alternatyv wörd s Chesselfleisch im Alemannischè au Sǜdfleisch, im Schwôbischè au Sydfleisch, dauft. Im Frôngischè heißt s Schipf, Schüpf odder Spint, z Norddütschland au Steg odder Stegfleisch (vo Blattdütsch steken, „stächè“)

Weblinggs

 Commons: Kesselfleisch – Sammlig vo Multimediadateie

 Commons: Wellfleisch – Sammlig vo Multimediadateie

Dä Artikel basiert uff ere fräie Übersetzig vum Artikel „Kesselfleisch“ vu de dütsche Wikipedia. E Liste vu de Autore un Versione isch do z finde.