Klapper

D Klapper, Klappere oder Klepper isch e Musiginstrumänt us Holz oder Blastigg und ghöört zu de Schlaaginstrumänt.

Klepper us Thalgau (Salzburg)

E Klapper bestoht us eme Handgriff, wo vorne ais oder mehreri beweglichi Hämmerli befestiged send. Däzwüsched isch es Brätt, wo d Hämmer wächselwys uufschlo chönd. Dors hi und här bewege vo däm Instrumänt wärdet chlopfartegi Tön erzügt.

D Klappere vome Ministrant am Karfrytig i de Cherche vo Räbschta

Verwändig

I de Karwuche chömed d Klappere vom Hohe Donnstig bis em Karsamstig i de Liturgie vo de katholische Cherche zum Iisatz. D Klapper werd vo de Minisrante statt de Glöggli im Gottesdienst bruucht, zum d Wandlig markiere oder als Begleitig vom Allerheiligste bi de Überträgig vom Tabernakel ewäg zum Chercheruum use.

Lueg au

 Commons: Klapper – Sammlig vo Multimediadateie