Klinik Waldhuus

D Klinik Waldhuus im Churer Loequartier isch nebet de Klinik Beverin bi Cazis aini vo de beede akutpsychiatrische Klinike im Kantoo Graubünde. Bitribe werd si vo de Psychiatrische Dienst Graubünde.

Klinik Waldhaus

Klinik

Nebet de Akutpsychiatrii gits i de Klinik Waldhuus ono e rehabilitationspsychiatrischi Abtailig und e stationäri Psychotherapiistazioo. Im Huus isch ono e Tinnitusklinik dine. Dezue chunnt no d Memory-Klinik, wo Symptom vo chronische Vergesslichkait ambulant abgchläärt weered.

Architektur

D Klinik Waldhuus ghört zu de markantischte Churer Exponente vo de Gründerziitarchitektur vom uusgeende 19. Joorhundert, wobi d Landschaftsarchitektur e bsundrigi Bidüütig het: s isch uf jeglichi Öberdachig verzichtet wore und d Parkweeg sind bogeförmig aglait wore, demit zum ainte e nois Ruumerlebnis ermöglicht werd und Engigfüel vermide wered, zum andere d Öffnig vo de Klinik gege d Stadt und d Gsellschaft bitoont werd, wa dozmol nöd unumstritte gsii isch.

Persönlichkaite

De erschti Direkter isch de Arzt Josef Jörger vo Vals gsii.

Weblink

 Commons: Klinik Waldhaus (Chur) – Sammlig vo Multimediadateie

• di offizielli Webpräsenz vo de Klinik Waldhuus

46.8692579.540504