Konrad vo Stoffel
Mäister Konrad vo Stoffel (au vo Stoffle etc., sälber het er sich von stoffel maister cunrat gnennt) isch e dütsche Dichder im 13. Joorhundert gsi.
Si äinzigs bekannte Wärk isch Gauriel vo Muntabel oder dr Ritter mit em Bock, e höfische Värsroman über e Stoff us dr Artusepik im Umkräis vo dr Iweinhandlig. Dr Verfasser git aa, ass er si Vorlaag z Spanie gfunde häig ("Zuo hispania ere daz puoch gewan"). Er isch in zwäi spoote Handschrifte überliiferet. Die äinti isch in dr Fürstebärgische Bibliothek z Donaueschinge (hüte Baadischi Landesbibliothek Karlsrue, Hs. Don. 86). Es isch en umfangriicheri Fassig mit 5642 Värs us em 15. Joorhundert. Die anderi befindet sich hüte in dr Uniwersidääts- und Landesbibliothek Tirol. Die isch uf s Joor 1456 datiert, isch chürzer und woorschinlig entstande, wo mä Passaasche im Wärk kürzt oder ganz usgloo het.
D Hiiwiis im Teggst uf e Verfasser und d Häärkumft vom Stoff git s nume in dr Donaueschinger Handschrift. Dört bezäichnet sich dr Konrad as "maister" und au as "werder fryer man". In dr eltere Forschig het men en mänggisch mit eme Stroossburger Domherr identifiziert, wo 1282–1284 urkundlig bezügt isch.
Usgoobe
ändere- Ferdinand Khull: Konrad von Stoffeln, Gauriel von Muntabel. Eine höfische Erzählung aus dem 13. Jahrhunderte. Zum ersten Male herausgegeben. Mit einem Nachwort und Literaturverzeichnis von Alexander Hildebrandt. Noochdruck vo dr Usgoob vo 1885, Verlag Zeller, Osnabrück 1969
- Wolfgang Achnitz: Der Ritter mit dem Bock: Konrads von Stoffeln "Gauriel von Muntabel", nöi uusegee, iigläitet und kommentiert. Niemeyer, Tübinge 1997 (= Texte und Textgeschichte, 46), ISBN 3-484-36046-1
Litratuur
ändere- Ludwig Julius Fränkel: Stoffeln, Konrad von. In: Allgemeine Deutsche Biographie (ADB). Band 36, Duncker & Humblot, Leipzig 1893, S. 316 f.
- Karl Deck: Untersuchungen über Gauriel von Muntabel. Diss. Straßburg, 1912
- Hans Alfred Demtröder: Untersuchungen zu Stoff und Stil des "Gauriel von Muntabel" des Konrad von Stoffeln. Diss. Bonn, 1959
- Almudena Otero Villena: Zeitauffassung und Figurenidentität im "Daniel von dem Blühenden Tal" und "Gauriel von Muntabel". V & R Unipress, Göttinge 2007 (= Aventiuren, 3), ISBN 3-89971-405-9
- Helmut de Boor u. a.: Geschichte der deutschen Literatur von den Anfängen bis zur Gegenwart, Erster Teil, Band III/1, 5. Uflaag, Beck, Münche 1997, S. 74f.