Konstans II.
Dr Konstans II. (middelgriech. Konstas Κώνστας, * 7. Novämber 630; † 15. Septämber 668 z Syrakus), Soon vom Konstantin III. und vo dr Gregoria, isch vo 641 bis 668 dr oströmisch bzw. byzantinisch Kaiser gsi. Vor sinere Chröönig isch si Naame noch sim Groossvater Flavius Heraclius (Φλάβιος Ἡράκλειος) gsi, und sin Naame as Kaiser isch äigentlig Konstantinos gsi, aber es gseet us, ass scho sini Zitgenosse iim us umbekannte Gründ Konstans gsäit häi.
| Konstans II. | |
|---|---|
| Kaiser vom Byzantinische Riich | |
 | |
| Regierigsziit | 641 – 15. Septämber, 668 |
| Uf d Wält cho | 7. Novämber, 630 |
| Gstorbe | 15. Septämber 15, 668 (im Alter vo 37) |
| Vorgänger | Heraklonas |
| Nochfolger | Mezezius Konstantin IV. |
| Verhürotet mit | Fausta |
Si ganzi Herrschaft isch ussebolitisch im Schatte vo dr Islamische Expansioon gstande, wo s Riich zum ene verzwiiflete Abweerkampf zwunge het, wo nume zum Däil erfolgriich gsi isch. Im Raame vo dr Religioonsbolitik het s e Komflikt mit em Babst gee wäge sim Verbot us em Joor 648, wo d Diskussioon über d Froog, öb dr Jesus äi oder zwäi Natuure ghaa het (lueg Monofüsitismus und Monotheletismus). Wäge däm Händel het e kaiserligs Gricht dr Maximus Confessor verurdäilt, und dr Konstans het 666 d Chille vo Ravenna dr Oberhohäit vo Rom wäggnoo und sä zun ere sälbstständige Chille gmacht.
Liddratuur
ändere- Pasquale Corsi: La spedizione Italiana di Costante II. Bologna 1983.
- Salvatore Cosentino: Constans II and the Byzantine navy. In: Byzantinische Zeitschrift 100 (2008), S. 577–603.
- John F. Haldon: Byzantium in the Seventh Century. The Transformation of a Culture. 2. Aufl. Cambridge 1997 (bes. S. 53ff.).
- James Howard-Johnston: Witnesses to a World Crisis. Historians and Histories of the Middle East in the Seventh Century. Oxford 2010.
- Andreas N. Stratos: Byzantium in the seventh century. Vol. III. 642-668. Amsterdam 1975.
Weblingg
ändere
Commons: Konstans II. – Sammlig vo Multimediadateie- R. Scott Moore: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).
| Vorgänger Heraklonas |
Kaiser vo Byzanz 641–668 |
Nochfolger Konstantin IV. |
|
Dä Artikel basiert uff ere fräie Übersetzig vum Artikel „Konstans_II.“ vu de dütsche Wikipedia. E Liste vu de Autore un Versione isch do z finde. |