Chummerbuebe

D Chummerbuebe (offiziell: Kummerbuben) si e Band us Bärn, wo auti Schwizer Volkslieder düe widerbeläbe. Derby spilesi aber kei sogenannti "Hudigäggeler", sondern befassesech meh mitem melancholische, vagabundische Vouksguet und de Schattesite vom Daasy. Wies ir Vouksmusig gang u gäb isch, wärde d Lieder nach Ermässe aapasst, ergänzt und mit neuer Musig verseh.

D Chummerbuebe ir Mühli Hunzike

Gschicht

Bis im Herbscht 2007 si d Chummerbuebe no aus Dean Moriarty & The Dixie Dicks bekannt gsy und si mit Lieder vom Tom Waits vo Beiz zu Beiz zoge. Si hei sech när zum jitzige Bandname umbenennt und deby e musikalische Wächsu düregmacht - vo Coversongs zu eigene Lieder.

Diskografi

CD

• 2007: Liebi und anderi Verbräche
• 2009: Schattehang
• 2012: Weidwund
• 2015: Dicki Meitschi

Film

D Chummerbuebe hei ou im Film Buebe gö z'Tanz vom Steve Walker zäme mit em Bern Ballett mitgmacht.

Weblink

• Offizielli Internetsite vo de Chummerbuebe
• Offizielli Myspacesite
• Internetsite vor Plattefirma vo de Chummerbuebe