D Lady Gaga (* 28. März 1986 z New York City; birgerlig Stefani Joanne Angelina Germanotta) isch e US-amerikanischi Popsängeri un Songschryyberi.

Lady Gaga (2017)
Unterschrift
Unterschrift
D Lady Gaga z Stockholm, Schwede (2008)
D Lady Gaga uf ihre "Fame Ball"-Tour (2009)

Ihri erschten Ufdritt het si in dr Rockszene vu dr New Yorker Lower East Side gha. Bal het si ne Verdrag bi Streamline Records unterzeichnet, ere aagschlossene Plattefirma vu Interscope Records, wu anne 2007 grindet woren isch. Dert het si am Aafang fir verschideni andri Interscope-Musiker kompeniert wie d Pussycat Dolls un het dodermit d Ufmerksamkeit vum Akon gweckt, wu ihri stimmlige Fähigkeite gmerkt gha un si bi syym eigene Label Kon Live Distribution unter Verdrag gnuu het.

Ihre Debütalbum The Fame isch am 19. Augschte 2008 vereffentligt wore. S het positivi Rezensione iberchuu un isch uf Platz 1 chuu unter anderem z Kanada, z Eschtryych, z Dytschland un z Irland. Ihri erschte bode Singles Just Dance un Poker Face, wu vum RedOne co-produziert wore sin, sin wältwyti Nummer-eis-Hits wore. S Album het segs Grammy-Nominierige iberchuu un isch as beschts Electronic-/Dance-Album un as beschti Dance-Ufnahme uuszeichnet wore. Aafangs 2009 isch si im Vorprogramm vu dr New Kids on the Block un vu dr Pussycat Dolls ufdrätte un het ihri erscht Solotournee The Fame Ball Tour gmacht. Im Novämber 2009 isch ihre zweit Album The Fame Monster erschine, wu in e Deil Länder as Nejuflag vu ihrem Debütalbum erschine isch. Derzue het si ihri zwot Tournee The Monster Ball Tour aagfange.

D Lady Gaga losst sich vu Glam-Rock-Musiker ischpiriere wie em David Bowie un Queen, un vu Popmusiker wie Madonna un Michael Jackson. Si nännt au Modi as Ischpirationsquälle fir ihri Lieder un Ufdritt. Ihre Name het si glent us em Song Radio Ga Ga vu Queen, wu vum Roger Taylor gschribe.[1]

Läbe ändere

D Stefani Germanotta wurde am 28. März 1986 im US-Bundesstaat New York as Chind vu italo-amerikanische Eltere uf d Wält chuu. Si het as Chind aagfange Klavier spile un het as Teenager scho eigeni Lieder gschribe. Mit 14 Johr het si ihri erschte Uftritt in New Yorker Clubs gha. Si isch uf d Maidlischuel Convent of the Sacred Heart gange, speter derno uf uf d Tisch School of the Arts an dr New York University. Mit 18 Johr het si as Stripperi gschafft, wel ihri Eltere si noch em Uuszug us em Elterehuus nit hän welle finanziäll unterstitze.[2]

D Lady Gaga het zerscht Lieder fir andri gschribe, zem Byyspel fi d Pussycat Dolls, voreb si anne 2008 ihri erscht eige Vereffentlichung uusebrocht het. Mit ihre Debütsingle Just Dance, wu si vu Akon un Colby O’Donis unterstitzt woren isch, isch si glyy international in d Charts yygstige.

D Darstelligsform vu ihre Uftritt isch vu Chinschtler wie David Bowie un Queen inschpiriert, wu si as ihri persenlige Chunscht-Ikone aagit.[3] D Sängeri fallt alsfurt uf dur ihri uusgfallene Outfits un Hoorkreatione.[4] Ihri extravagante Bihnekoschtüm entwirft d Chinschtleri sälber.[5]

Wu ihri erscht Single Just Dance z Auschtralie un z Kanada e Nummere-eis-Hit woren isch, isch ere in dr US-Charts no 18 Wuche dr Gump in d Top Ten un in dr Wuche 22 sogar uf Platz eis glunge.[6] Aafangs 2009 isch d Single derno au Vereinigte Chenigryych e Nummere-eis-Hit wore.[7] Just Dance isch 2009 fir e Grammy in dr Kategorii Beschti Dance-Ufnahm nominiert wore.

Au di zwot Singleuuskopplig Poker Face het zerscht z Auschtralie un z Neuseeland dr Spitz vu dr Charts erreicht[8] un isch derno in e Hufe Länder wältwyt e Nummere-eis-Hit wore, näbe dr dytschsprochige Länder au in dr USA, z Großbritannie, z Norwege, z Schwede un z Finnland. Mit 13 Wuchen am Spitz het si z Dytschland di zweitmeischte Nummere-eis-Wuchen gha syter anne 2000. Derzue het des Lied e neje Rekord ufgstellt fir di meischte Aabelad-Verchaif z Dytschland.

Am 29. Mai 2009 het s Musikvideo zue Paparazzi Wältpremiere gha. Zerscht sin d Single un dr Clip nume z Großbritannie erschine. Am 26. Juni 2009 isch LoveGame z Dytschland erschine - no im glyche Monet het d Lady Gaga e Remix vum mit dr Band Marilyn Manson gmacht.

S Lied Fashion isch s erscht Mol fir dr Film Shopaholic – Die Schnäppchenjägerin vereffentligt wore. S isch uf em Soundtrack zum Film erschine.

Am 14. Septämber 2009 sin z New York d MTV Video Music Awards vergee wore, wu d Lady Gaga in nyyn vu insgsamt 14 Kategorie nominiert gsi isch. Si het drej Pryys gwunne: "Best New Artist" fir Poker Face, derzue „Best Art Direction“ un „Best Special Effects“ fir Paparazzi.

Am 20. November 2009 het d Lady GaGa ihre zweit Album vereffentligt in Form vun eme Re-Release vu ihrem Album „The Fame“ mit em Name „The Fame Monster“.[9] Di erscht Single Bad Romance isch z Dytschland am 30. Oktober 2009 as digitale Download erschine. S datsächlig Vereffentlichungsdatum isch aber dr 27. Novämber 2009. Ihri Single „Bad Romance“ het am 18. Februar 2010 d 3-Millione-Marke bi dr digitale Downloads ibergumpt. Dodermit isch d Lady Gaga di erscht Sängeri, wu drej vu ihre Single („Bad Romance“, „Just Dance“, „Poker Face“) 3 Millione Mol im Internet verchauft het.

Dr zweete erfolgryyche Song us em neje Album isch d Zämmearbet mit dr Beyoncé bi Telephone gsi. Diräkt no dr Vereffentlichung vum Album isch si dodermit in d Charts yygstige un im Februar 2010 isch si dodermit uf Platz 1 vu dr US-Dancecharts chuu.

Am 1. Februar 2010 het d Lady Gaga dr Grammy iberchuu in dr Rubrik Best Electronic/Dance Album fir ihre Album The Fame un dr Grammy in dr Rubrik Best Dance Recording fir d Single Poker Face.

Am 16. Februar 2010 isch d Lady Gaga bi dr Brit Awards in däne Kategorie uuszeichnet wore: „Beschti internationali Chinschtleri“, „Beschte internationale Durbruch“ un in dr Chenigsdisziplin „Bescht Album vum Johr“. Si het ihre Ufdritt bi dr Brit Awards em verstorbene Modedesigner Alexander McQueen gwidmet.

Bi dr Verleihig vum Echo im März 2010 het si Uuszeichnig in dr Kategorie Künstlerin International Pop/Rock, Bester Newcomer International un fir Poker Face as „Hit des Jahres National/International“ iberchuu.[10]

2010 isch d Lady Gaga z Berlin mit 4-fach Platin uuszeichnet wore fir iber 800.000 verchaufti Exemplar vu ihrem Album The Fame un The Fame-Monster.[11]

In eme Interview in dr US-amerikanische Talkshow Larry King Live het d Germanotta 2010 gsait, ass an dr Autoimmunchranket Lupus erythematodes lyydet, wu scho eini vu ihre Dante dra gstorbe sej. D Wärt, wu vu dr Ärzt gmässe wore sin, dieje bi ihre no im Gränzberaich lige un s hebe si bi ihre no keini vu dr typische Symptom zeigt.[12]

Syt 2011 isch si liiert mit em US-amerikanische Schauspiler un Model Taylor Kinney. Am 16. Februar 2015 het si uf Twitter un Instagram bekannt gee, ass dr Kinney un si sich am 14. Februar 2015 verlobt hebe.

2015 het si in dr 5. Stapfle vu dr erfolgryyche Serie American Horror Story e wichtigi Roll gspiilt. Fir ihri Laischtige as „The Countess“ het si under anderem e Golden Globe gwunne.

Anne 2016 isch si mit ihrem Lied Til It Happens To You, wu sich fir Opfer vu Vergwaltigunge yysetzt, fir e Grammy, en Oscar un en Emmy nominiert gsii. Un iber s sozial Netzwärch Instagram het si am 17. Augschte 2016 d Leadsingle Perfect Illusion us em Album Joanne aagchindet, wu am 21. Oktober 2016 uusecho isch.

Im Februar 2017 het si d Halbzit Show bim SuperBowl übernoh, wo als meist agluegts musikalischs Event vo jeh gilt.

2018 het si im Film A Star Is Born mitgspilt, wo dr Bradley Cooper het Regie gfüehrt. Dr Film isch sehr erfolgrich gsi und het ar Lady Gaga e Oscar-Nominierig als besti Houptdarstellerin und e Oscar-Gwinn füre best Filmsong für Shallow ibracht. Ir schwizer Jahreshitparade vo 2019 isch d'Lady Gaga 2 mal verträte gsi, mit Shallow, wo 10 Wuche ufem erschte Platz isch gsi, het si d'Liste agfüehrt u mit em Song Always Remember Us This Way d'Top 15 erreicht. Nachdäm si im Jahr 2009 dr Spitzeplatz ihr Jahreshitparade mit Poker Face het erreicht, isch si di einzigi Künstlerin wos ir Zitspanni vo 10 Jahr het gschafft zwöi Mal d'Nummer Eis z'belege. Im Dezämber 2018 het si äbefalls ihri Las Vegas Residänz Enigma gstartet wo eini vo de erfolgrichste Residänze isch.

Nach em grosse Erfolg wo si mit em Soundtrack zu A Star Is Born, Shallow und Always Remember Us This Way het gha, isch si 2020 für ne Swiss Music Award ir Kategorie "Best Hit International" nominiert worde.

Diskografii ändere

Studioalbe ändere

  • The Fame (2008)
  • Born This Way (2011)
  • Artpop (2013)
  • Cheek to Cheek (2014)
  • Joanne (2016)
  • A Star Is Born Soundtrack (2018)

EP ändere

  • The Cherrytree Sessions (2009)
  • Hitmixes (2009)
  • The Fame Monster (2009)
  • A Very Gaga Holiday (2011)

Remixalbe ändere

  • The Remix (2010)
  • Born This Way – The Remix (2011)

Kompilatione ändere

  • The Singles (2010)
  • Born This Way – The Collection (2011)

Single ändere

Solo Single ändere

  • Just Dance (2008)
  • Poker Face (2009)
  • LoveGame (2009)
  • Paparazzi (2009)
  • Bad Romance (2010)
  • Telephone (2010)
  • Alejandro (2011)
  • Born This Way (2011)
  • Judas (2011)
  • The Edge of Glory (2011)
  • Yoü and I (2011)
  • Marry the Night (2013)
  • Applause (2013)
  • Do What U Want (2013)
  • G.U.Y. (2014)
  • Anything Goes (2014)
  • I Can’t Give You Anything but Love (2014)
  • Til It Happens to You (2015)
  • Perfect Illusion (2016)
  • Million Reasons (2016)
  • The Cure (2017)
  • Shallow (2018)

as Gaschtmusikeri ändere

  • Big Girl Now (2008, mit New Kids on the Block)
  • Murder My Heart (2008, mit Michael Bolton
  • Chillin (2009, mit Wale)
  • Video Phone (Remix) (2009, mit Beyoncé)
  • 3-Way (The Golden Rule) (2011, mit The Lonely Island und Justin Timberlake)
  • The Lady Is a Tramp (2011, mit Tony Bennett)

Uuszeichnige (Uuswahl) ändere

ECHO

  • 2010: Beste Künstlerin International
  • 2010: Hit des Jahres 2009
  • 2010: Beste Newcomerin International

People's Choice Awards

  • 2010: Favorite Pop Artist
  • 2010: Favorite Breakout Artist

NRJ Music Awards

  • 2010: International Revelation of the Year

Meteor Music Awards

  • 2010: International Female

NME Awards

  • 2010: Bestes Outfit
  • 2010: Schlechtestes Outfit

Swiss Music Awards

  • 2010: Best Song International

Brit Awards

  • 2010: Best International Female Artist
  • 2010: Best International Breakthrough
  • 2010: Album Of The Year (The Fame)

Grammy Awards

  • 2010: Best Dance Recording (Poker Face)
  • 2010: Best Electronic/Dance Album (The Fame)
  • 2011: Best Pop Vocal Album (The Fame Monster)
  • 2011: Best Female Pop Vocal Performance (Bad Romance)
  • 2011: Best Short Form Music Video (Bad Romance)
  • 2015: Best Traditional Pop Album (Cheek To Cheek)
  • 2018: Best Pop Solo Performance (Joanne (Where Do You Think You're Going (Piano Version)))
  • 2018: Best Song Written for Visual Media (Shallow)
  • 2018: Best Pop/Duo Group Performance (Shallow)
  • 2019: Best Compilation Soundtrack for Visual Media (A Star Is Born Soundtrack)
  • 2019: Best Song Written for Visual Media (I'll Never Love Again (Film Version))

MTV Europe Music Awards

  • 2009: Best New Artist

MTV Video Music Awards

  • 2009: Best New Artist (Poker Face)
  • 2009: Best Special-Effects (Paparazzi)
  • 2009: Best Art-Direction (Paparazzi)
  • 2010: Video of the Year“ (Bad Romance)
  • 2010: Best Pop Video“ (Bad Romance)
  • 2010: Best Female Video“ (Bad Romance)
  • 2010: Best Collaboration“ (Telephone) (mit Beyoncé)
  • 2010: Best Dance Music Video“ (Bad Romance)
  • 2010: Best Choreography“ (Bad Romance)
  • 2010: Best Direction“ (Bad Romance)
  • 2010: Best Editing“ (Bad Romance)

World Music Awards

  • 2010: Wältbeschti wyybligi Pop-Rock-Chinschtleri
  • 2010: Wältbeschti Newcomeri
  • 2010: Wältbeschti Single“ (Poker Face)
  • 2010: Wältbescht Album“ (The Fame)
  • 2010: Best Selling Artist of America

Latin American MTV Video Music Awards

  • 2009: Song of the Year (Poker Face)
  • 2009: Best New International Artist: Lady Gaga

MuchMusic Video Awards

  • 2009: Best International Artist Video (Poker Face)

Teen Choice Awards

  • 2009: Choice Music:Hook Up: Lady Gaga: "Just Dance"(with Colbie O` Donis)

TMF Awards

  • 2009: Best Female Artist International: Lady Gaga
  • 2009: Best Pop International: Lady Gaga
  • 2009: Best New Artist International: Lady Gaga

Channel [V] Thailand Music Video Awards

  • 2009: Popular International Music Video: Lady Gaga: "Poker Face"
  • 2009: Popular International Artist: Lady Gaga

Eska Music Awards

  • 2009: Best New Artist: Lady Gaga

International Dance Music Awards

  • 2009: Best Break-Through Artist (Solo): Lady Gaga
  • 2009: Best Pop Dance Track: Lady Gaga: "Just Dance"(with Colby O`Donis)

Billboard Awards

  • 2009: Rising Star: Lady Gaga

Uuszeichnige fir Musikverchaif ändere

Doppel-Platin-Schallplatte

  • Dytschland:[13]
    • 2009: fir d Single „Poker Face“
    • 2010: fir s Album „The Fame“ (2x + 1 Gold)
  • Eschtryych:[14]
    • 2009: fir s Album „The Fame“
  • Schwyz:[15]
    • 2009: fir s Album „The Fame“
    • 2009: fir d Single „Just Dance“ (mit Colby O'Donis)
    • 2009: fir d Single „Poker Face“
  • USA:[16]
    • 2009: fir s Album „The Fame“
    • 2009: fir d Single „Just Dance“ (2x) (mit Colby O'Donis)
    • 2010: fir d Single „Poker Face“ (2x)
  • Großbritannie:[17]
    • 2009: fir s Album „The Fame“ (2x)

Platin-Schallplatte

  • USA:[16]
    • 2010: fir d Single „LoveGame“
    • 2010: fir d Single „Paparazzi“
    • 2010: fir d Single „Bad Romance“
  • Großbritannie:[17]
    • 2009: fir d Single „Just Dance“
    • 2009: fir d Single „Poker Face“

Goldene Schallplatte

  • Dytschland:[13]
    • 2009: fir d Single „Just Dance“
    • 2009: fir d Single „LoveGame“
    • 2010: fir d Single „Paparazzi“
    • 2010: fir d Single „Bad Romance“
  • Eschtryych:[14]
    • 2009: fir d Single „Poker Face“
  • USA:[16]
    • 2009: fir s Album „The Fame Monster“
  • Großbritannie:[17]
    • 2009: fir d Single „Paparazzi“
    • 2009: fir d Single „Bad Romance“

Weblink ändere

  Commons: Lady Gaga – Sammlig vo Multimediadateie

Fueßnote ändere

  1. Archivierte Kopie. Archiviert vom Original am 10. März 2009; abgruefen am 28. November 2018.
  2. http://www.viviano.de/ak/News-Prominente/lady-gaga-38982.shtml (Site cha nüme abgrüeft wärde; Suche im Webarchiv)[1] [2] Vorlage:Toter Link/www.viviano.de
  3. Archivierte Kopie (Memento vom 6. April 2010 im Internet Archive) Chinschtlerbschrybig vu dr Lady Gaga bi musik-base.de
  4. "Der Stil von Lady Gaga" uf Joy.de. Archiviert vom Original am 4. November 2014; abgruefen am 28. November 2018.
  5. Archivierte Kopie. Archiviert vom Original am 4. Dezember 2012; abgruefen am 20. Oktober 2009.  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.amica.de
  6. http://www.billboard.com/bbcom/charts/chart_display.jsp?g=Singles&f=The+Billboard+Hot+100
  7. http://www.theofficialcharts.com/top40_singles_last.php?week=1&end=11/01/2009%20-%2017/01/2009 (Site cha nüme abgrüeft wärde; Suche im Webarchiv)[3] [4] Vorlage:Toter Link/www.theofficialcharts.com
  8. Archivierte Kopie. Archiviert vom Original am 22. März 2013; abgruefen am 20. Oktober 2009.
  9. Archivierte Kopie. Archiviert vom Original am 18. Oktober 2009; abgruefen am 20. Oktober 2009.
  10. Archivierte Kopie. Archiviert vom Original am 19. Juli 2011; abgruefen am 22. Juli 2010.
  11. focus.de
  12. Bericht (Site cha nüme abgrüeft wärde; Suche im Webarchiv)[5] [6] Vorlage:Toter Link/unterhaltung.t-online.de über die Erkrankung im T-Online-Webportal
  13. 13,0 13,1 http://www.musikindustrie.de/gold_platin_datenbank/
  14. 14,0 14,1 http://www.ifpi.at/?section=goldplatin
  15. http://swisscharts.com/search_certifications.asp?search=lady+gaga
  16. 16,0 16,1 16,2 http://www.riaa.com/goldandplatinumdata.php?table=SEARCH_RESULTS
  17. 17,0 17,1 17,2 http://www.bpi.co.uk/certifiedawards/search.aspx
  Dä Artikel basiert uff ere fräie Übersetzig vum Artikel „Lady_Gaga“ vu de dütsche Wikipedia. E Liste vu de Autore un Versione isch do z finde.