Lando

Dr Lando (* im 9. Johrhundert eschtli vu Rom; † no 913) isch anne 913 Papscht gsii.

Iber dr Lando isch seli wenig iberliferet. Sy Vater het Taino ghaiße, un är isch nit wyt ewäg eschtli vu Rom uf d Wält chuu. Är isch im Juli oder Augschte anne 913 zum Papscht gwehlt wore un het uugfehr sechs Monet amtiert.

Vum Lando sym Pontifikat sin nume d Ferderige vu sym Haimetbischtum Sabina dur Schänkige un Privilegien iberliferet.

Wahrschyns isch dr Papscht ganz unter dr Kontroll vum remische Stadtherr Theophylakt I. vu Tusculum gstanden isch, wu as erschte Vestarar (päpschtlige Chämmerer) di gsamt Vermegesverwaltig vu dr Chilche kontrolliert gha het un as Doge un Konsul em Senat un dr Miliz vorgstanden isch, un unter dr Kontroll vu dr Mätresseherrschaft, wu vu dr Theodora I. vu Tusculum un ihre Dochter Marozia unter em Sergius III. etabliert woren isch („Pornokrati“).

Dr Lando sich dr letscht Papscht gsii, wu dr Name vun em vu kaim speter Papscht me brucht woren isch, un dr letschte Papscht vor em Franziskus (2013), wu ne neie vorhär no nie bruchte Name gwehlt het. Dr Johannes Paul I. het anne 1978 e neji Kombination us zweee Name aagnuu, wu scho friejer brucht wore sin.

Literatur

• Harald Zimmermann: Lando (Papst). In: Biographisch-Bibliographisches Kirchenlexikon (BBKL). Band 4, Herzberg 1992, ISBN 3-88309-038-7, Sp. 0–-0.
• Ytrag in d Catholic Encyclopedia, Robert Appleton Company, New York 1913 (änglisch)

Weblink

 Commons: Lando – Sammlig vo Multimediadateie

Vorgänger Anastasius III.

Papscht 913

Nochfolger Johannes X.

Dä Artikel basiert uff ere fräie Übersetzig vu dere Version vum Artikel „Lando_(Papst)“ vu de dütsche Wikipedia. E Liste vu de Autore un Versione isch do z finde.