Liichathletik

D Liichtathletik het us de Beweegigsablöif vom Renne, Gumpe und Gheie, wo sit Urzite für e Mensch natürlig und grundlegend si, Sportarte mit umfangriiche Reegle gmacht, so dass mä en indiwiduelli Läistig exakt cha mässe und mit dere vo öbber anderem vergliiche. Vo iire chunnt s olümpische Motto „Schnäller, hööcher, witer“ und si bildet mit iire Diszipline s Härzstück vo de Olümpische Spiil. Im Volkssport, wo d Läistig vo zwäitrangiger Bedütig isch, het vor allem dr Usduurlauf e Hufe Aahänger.

800-Meter-Renne

Stabhoochsprung

Speerwurf

D Diszipline

D Diszipline vo dr Liichtathletik wärde in d Gruppe Lauf, Sprung und Wurf iidäilt. Meerkämpf bestöön us meerere Diszipline us alle vo dene drei Grubbe.

Wil Manne körperlig im Durchschnitt sterker und gröösser si as Fraue, konkurriere d Gschlächter bi Wettkämpf separat. Dr Underschiid zwüsche de Bestläistige vo de Manne und vo de Fraue isch bim Renne und Laufe öbbe zää und bim Gumpe öbbe fufzää Brozänt. Bi de Diszipline vom Gheie cha mä d Resultat nid vergliiche, wil d Fraue liichteri Gräät verwände.

D Diszipline, wo hüte üüblig si chömme in de Däbälle undenooche vor (olümpischi Diszipline si in Fettdruck; F = nume Fraue; M = nume Manne):

Renne/Laufe
Sprint	Middelstrecki	Langstrecki	Staffle	Hürde	Hindernis	Strooss/Gländ	Laufe
100 m 200 m 400 m	800 m 1000 m 1500 m 1 Mäile	3000 m 5000 m 10.000 m 1 Stunde	4 × 100 m 4 × 400 m 3 × 800 m (F) 3 × 1000 m (M)	100 m (F) 110 m (M) 400 m	3000 m	10 km Halbmarathon Marathon 100 km Crosslauf	In Baane laufe 20 km 50 km (M)

Gumpe
vertikal	horizontal
Hochsprung Stabhochsprung	Witsprung Dreisprung

Gheie
Chuugelestoosse Diskuswurf Hammerwurf Speerwurf

Meerkampf
Siibekampf (F) Zääkampf (M)

Weblingg

 Commons: Liichtathletik – Sammlig vo Multimediadateie

Allgemäin

• www.deutscher-leichtathletik-verband.de
• www.leichtathletik.de
• www.iaaf.org - International Association of Athletics Federations
• ladv.de - Leichtathletik Portal mit Usschriibige und Resultat

Statistike

• Dütschi Rekord as PDF (89 kB)
• Ööstriichischi Landesrekorde
• Schwizer Rekord
• Liechtestäiner Rekord as PDF (1,31 MB)
• Liichtathletik Besteliste vo de Masters (änglisch)
• Ewigi Besteliste (bis Blatz 100) (änglisch)
• Aktuelli Resultat vo internazionale Sportfest uf dr BBC (änglisch)

Aktuelli Liichtathletik-Noochrichte

• Yahoo-Schlagziile (Liichtathletik)
• Yahoo-UK-Schlagziile (Liichtathletik) (änglisch)
• Liichtathletik-Noochrichte vo dr BBC (Site cha nüme abgrüeft wärde; Suche im Webarchiv)[1] [2] Vorlage:Toter Link/news.bbc.co.uk (änglisch)
• Schlagziile vom DLV
• Liichtathletik-Noochrichte vo de Sprintic Magazine (änglisch)

Termin

• Kaländer vo de internazionale Liichtathletik-Sportfest uf dr Website vo dr BBC (änglisch)

Wettkampfreegle

• Internazionali Wettkampfreegle (IWR) 2014 (PDF)