Leipziger Buchmesse

D Leipziger Buechmäss isch e grossi Mäss für d Buechkultur un d Literatur z Düütschland.

i der grosse Glashalle bi dr Buechmäss 2017

Si isch nach dr Frankfurter Buechmäss die zwöitgrööschti im Land. Si isch all Joor im Monet Merz z Leipzig. Und es git se sit em sibezääte Joorhundert. Es isch s eerschte ganz groossen Ereignis im Joor für di dütschsproochigi Buechszeene. D Buechverlääg zeigen iiri nöie Wäärch, und es isch es bedüütends Träffe vo de dütschsproochige Dichter.

Es goot nit numen ume Buechhandel. Uff dr Leipziger Buechmäss träffe sich d Autooren und Autoorinnen un d Lääser un d Lääserinne. Do drfüür isch bsunders au s Lääsfäscht Leipzig liest, wo d Stadt Leipzig, dr Böörseverein vom Düütsche Buechhandel un dr MDR organisiere. Anderi Momänt z Leipzig sin d Manga-Comic-Convention un d Leipziger Antiquariatsmäss. Zum Programm vo dr Mäss ghören au dr Pryys vo dr Leipziger Buchmäss, dr Düütsch Jugendliteraturpryys un d Leipziger Autoorerundi.

Anne 2008 sind meh weder zwöihundertuusig Lüüt a d Leipziger Buechmäss choo.

Die ganzi Veraastaltig het men anne 2020 wäge der wältwyte Coronavirus-Pandemy churzfrischtig müessen absääge.

Literatur

• Thomas Keiderling: Leipziger Buchmessen und Buchhändlermessen – Kontinuität im Wandel von fünf Jahrhunderten?. In: Zwahr, Hartmut u. a. (Hg.): Leipzig, Mitteldeutschland und Europa. Festgabe für Manfred Straube und Manfred Unger zum 70. Geburtstag, Beucha 2000, S. 123–134. ISBN 978-3-93454-405-5

Weblink

 Commons: Leipziger Buechmäss – Sammlig vo Multimediadateie

• d Websyte vo dr Leipziger Buechmäss