Litauisches Gymnasium Hüttenfeld
| Dialäkt: Undermarkgreflerisch |
| Litauischs Gymnasium | |
|---|---|
| Schueltyp | Gymnasium |
| Gründigsjohr | 1950 |
| Adräss |
Lorscher Straße 1 |
| Ort | Lampertheim |
| Land | Hessen |
| Staat | Deutschland |
| Koordinate | 49° 35′ 54″ N, 8° 35′ 17″ O |
| Schueldräger | Kuratorium des Litauischen Gymnasiums e. V. |
| Schüelerzahl | 187 |
| Lehrerzahl | 32 |
| Leitig | Frau Dr. Bronė Narkevičienė, Herr Edmundas Jankūnas, Frau Audronė Ručienė |
| Website | www.litauischesgymnasium.de |
S privat Litauisch Gymnasium z Hüttenfeld (eme Stadtdail vu Lampertheim z Hesse) isch di ainzig anerkännt litauisch Schuel z Weschteuropa. S isch grindet wore in dr Zyt, wu Litaue e Dail vu dr Sowjetunion gsii isch.
Anne 1950 hän litauischi Flichtling z Diepholz e aige Gymnasium grindet, wu 1954 uf Hüttenfeld zogen isch. Di Litauisch Volksgmainschaft het s Schloss Rennhof fir d Schuel gchauft. Dervor het s vu 1946 bis 1949 e Litauischs Gymnasium fir gflichteti Litauer im ehmolige Chloschter Rebdorf im bayerischen Eichstätt gee, wu insgsamt as Flichtlingslager fir Balten fungiert het.
Im Chalte Chrieg het s Gymnasium Schueler us aller Wält im aagliderete Internat ufgnuu, doderdur het sich d Schuel zuen eme Zäntrum fir d Exil-Litauer entwicklet.
Unterrichtet wird uf Litauisch un Dytsch. No dr Unabhängigkait vu Litaue anne 1990 hets Gymnasium an Bedytig verlore, het sich aber im Gegesatz zum Lettische Gymnasium z Münster chenne bhaupte, wel s dr Unterricht jetz unter anderem uf Chinder vu Spotuussidler uusgrichtet het. Au Schueler mit litauischer Abstammig vu Ibersee un vu Litaue sälber un au dytschi Schuele nutze d Megligkait vum bilinguale Unterricht.
Direktore
ändere- Antanas Palaitis (1951 - 1952)
- Antanas Giedraitis-Giedrius (1952 - 1954)
- Vladas Litefskis (1954 - 1957)
- Antanas Rukša (1957)
- Tautvydas M. Gailius (1957 - 1958)
- Jonas Grinius (1958 - 1960)
- Ladas Gronis (1960 - 1962)
- Bronius Liubinas (1962 - 1966)
- Petras Bačinskas (1966 - 1967)
- Vincas Natkevičius M.A. (1967 - 1980)
- Jonas Kavaliūnas (1980 - 1982)
- Andrius Šmitas (1982 - 2008)
- Bronė Narkevičienė - syt 2009
Ehmoligi Schueler
ändere- Lena Valaitis (* 1943), Sängeri
- Arthur Hermann (* 1944), Autor un Hischtoriker
Weblink
ändere
|
Dä Artikel basiert uff ere fräie Übersetzig vu dere Version vum Artikel „Litauisches_Gymnasium_Hüttenfeld“ vu de dütsche Wikipedia. E Liste vu de Autore un Versione isch do z finde. |