Liz Truss

D Mary Elizabeth „Liz“ Truss^[1] (* 26. Juli 1975 z Oxford) isch e britischi Bolitikeri vu dr Conservative Party. Si isch ab em 6. Septämber 2022 Premierminischteri vum Verainigte Chenigrych gsi; ai Dag vorhär isch si as Noofolger vum Boris Johnson zur Vorsitzeri vu dr Konservative Bartei gwehlt wore. No massiver Kritik wäg ire Styyrblän, schlächte Umfroge un ere Regierigsumbildig het si no segs Wuchen im Amt am 20. Oktober 2022 scho wider ire Ruggdritt as Premierminischteri verchindet. Ire Noofolger isch am 25. Oktober 2022 dr Rishi Sunak wore.

D Truss isch vu 2016 bis 2017 Juschtizminischteri un Lord Chancellor gsii un derno bis 2019 Chief Secretary to the Treasury. Vu 2019 bis 2022 isch si Minischteri fir Fraue un Glychstellig un zuesätzli vum Septämber 2021 bis Septämber 2022 Usseminischteri vum Verainigte Chenigrych gsii.

Syter anne 2000 isch d Truss ghyrote mit em Hugh O’Leary (* 1975). S Baar het zwoo Dechtere.

Weblink ändere

Commons: Elizabeth Truss – Sammlig vo Multimediadateie

Offiziälli Websyte vu dr Elizabeth Truss
Profil uf dr Webyte vu dr Conservative Party

Fueßnote ändere

↑ London Gazette. Nr. 59418, HMSO, London, 13. Mai 2010, S. 8744 (PDF, abgerufen am 21. Juni 2010, englisch).

[1] London Gazette. Nr. 59418, HMSO, London, 13. Mai 2010, S. 8744 (PDF, abgerufen am 21. Juni 2010, englisch).

[1]