S Lorrain, uf Dütsch Lothringisch, – das wird aber au für di dütsche Dialekt z Lothringe bruucht – isch d Sprooch, wo men im Oschte und im Norde vo Lothringe tuet rede.

D Lag vom Lorrain im Sproochberich vo de Langues d'oïl.

Au s Welche, wo in e paar elsässische Dörfer in de Vogese gredt wird, ghört zum Lorrain.

D Sprooch ghört zu de Langues d'oïl.

S Lorrain, wie au s Wallonische, het – wäge sinere Lag an de Sproochgränze – vili dütschi Sproochelemänt. Am längschte in ihre ursprüngliche Form het sich d Sprooch in de Pays Welche ghalte, de elsässische Dörfer, wo hüt zum Kanton Lapoutroie ghöred.