Margaret Austin

Dialäkt: Owerelsassisch

D’ Margaret Elizabeth Austin (* àls Leonard àm 1. Àwril 1933 z’ Dunedin) ìsch a ehamààliga näiseelandischa Politikera. Sa ìsch Mìtglìed gsìì vum näiseelandischa Represantàntahüss vu 1984 bis 1996, z’äärscht fìr d’ Labour Party un schpeeter fìr a kurza Zitt fìr d’ Pàrtäi United New Zealand. Sa ìsch àui d’ Minischtera fìr d’ Ìnnera Àglagahaita gsìì, vum Februar bis ìm Oktower 1990.

D’ Margaret Austin ànna 2012.

ìhra LaawaBearbeite

D’ Margaret Leonard ìsch ànna 1933 z’ Dunedin uf d’ Walt kumma. Sa ìsch ìns St Dominic's College z’ Dunedin ìn d’ Schüala gànga, un àui àm Sacred Heart College vu Christchurch.[1] Sa hàt dernoh gsctudiart àm Canterbury University College un àm Christchurch Teachers’ College. Dr Schtudia-n-Àbschluss Bachelor of Science hàt sa 1953 bschtànda, un hàt ànna 1954 a Lehrerzöignis bikumma.[1] Nochhar hàt sa z’ Christchurch glahrt un ìsch ànna 1970 d’ „wìssaschàftliga Laitera“ vu dr Christchurch Girls' High School worra. Ànna 1977 ìsch sa „Senior-Schüallehrera“ worra àn dr Riccarton High School.[1][2] Sa ìsch àui Mìtglìed gsìì vu dr Gsällschàft vu dr Bìldungsverwàltung (Educational Administration Society) un ìsch dara Vorsìtzenda gsìì wahrend dräi Johra.[3]

Àn dr Pàrlamantswàhl vu 1984 hàt ma sìe gwählt ìm Wàhlkrais Yaldhurst, wo-n-ìm Wäschta vu Christchurch lìgt. Nohdam àss d’ Labour Party nochamol d’ Wàhl vu 1987 gwunna hàt, ìsch d’ Austin àls „Senior-Whip“ vun ìhrera Pàrtäi ernannt worra. Dr’willscht ìsch dr Michael Cullen Mìtglìed vu dr Regiarung worra.[3]

Wahrend ìhrera Àmtszitt ìm Pàrlamant ìsch d’ Austin Forschungs- un Äntwìcklung-s-Minischtera gsìì, so wia d’ Minischtera vu da ìnnera Ààglagahaita, un schpeeter d’ Minsischtera fìr d’ Kunscht, Kültür un Ärbschàft àm Ànd vum viarta Labour-Regiarung. Ìm Novamber 1990, àls d’ Labour Party ìn dr Opposizion gsìì ìsch, hàt dr Pàrtäilaiter Mike Moore d’ Margaret Austin àls Bìldungsminischtera ìm Schàttakàbinätt ernannt.[4]

Ìm Pàrlamant hàt d’ Austin d’ Wàhlkrais Yaldhurst fìr d’ Labour Party vertratta bis 1995, àls ìhra Sìtz àbgschàfft worra ìsch àls Vorberaitung fìr a Änderung vum Wàhlverfàhra. Salamols hàt d’ Austin zamma mìt säcks àndra Pàrlamantsmìtglìeder d’ Pàrtäi United New Zealand grìnda.[5] Wia àlla àndra Àbgordneta vu dara Pàrtäi (àbgsah vum Peter Dunne) ìsch d’ Austin nìt wìdergwählt worra àn dr Pàrlamantswàhl vu 1996; doo ìsch d’Austin Kàndidàt sìì gsìì ìm Wàhlkrais Ilam, wo sa àm dritta Plàtz ààkumma ìsch.[6]

Noh-n-ìhrera Zitt ìm Pàrlamant ìsch d’ Austin Kànzlera gsìì àn dr Lincoln University, vu 2000 bis 2005. Üsserdam hàt sa vum Ànd vu da 1990. Johra àà bis äbb ànna 2011 fìr d’ UNESCO gschàfft. Vu 2000 bis 2007 hàt sa d’ Vorsìtzenda gsìì vun àlla UNESCO-Nàzionàlkummissiona ìweràll ìn dr Walt.[7] Sa ìntrassiart sìch àui àn d’ Schtarnakunda un laitet s’ Projäkt fìr s’ Internàzionàla Lìchtschutzgebiat vun Aoraki-Mackenzie.[7]

Ànna 1955 hàt d’ Margaret Leonard dr John Austin ghirota. S’ Ehapààr hàt dräi Kìnder bikumma.[1]

ìhra EhrungaBearbeite

D’ Maragret Austin hàt d’ Näiseelandischa Ehrungsmedàlia vu 1990 bikumma.[1] Ìm Johr 1993 hàt sa d’ Näiseelandischa Mediàlia zum Hundertjohr-Fràuiawàhlracht bikumma[8]

Àlasslig vu da „Geburtstààg-Ehrunga“ vu 1997 hàt ma d’ Austin àls Mìtglìed vum Näiseelandischa Verdianschtorda ernannt fìr ìhra äffentliga Dianscht.[9] Àlasslig vu da „Geburtstààg-Ehrunga“ vu 2008 hàt ma sìe gfärdert àls Komtür vum Näiseelandischa Verdianschtorda.[10]

D’rzüa hàt ma d’ Austin gwählt àls Komtür vu dr Keniglicha Gsällschàft vum Näiseelànd.[11]

LiteràtürBearbeite

  • Who's Who in the New Zealand Parliament 1987. Parliamentary Service, Wellington 1987 (englisch).
  • Philip Temple: Temple’s Guide to the 44th New Zealand Parliament. McIndoe Publishers, Dunedin 1994, ISBN 0-86868-159-8, S. 53 (englisch).

WeblinksBearbeite

  Commons: Margaret Austin – Sammlig vo Multimediadateie

AinzelnohwiisaBearbeite

  1. 1,0 1,1 1,2 1,3 1,4 Alister Taylor, Deborah Coddington: Honoured by the Queen – New Zealand. New Zealand Who's Who Aotearoa, Auckland 1994, ISBN 0-908578-34-2, S. 52 (englisch).
  2. Paul Gorman: National Portrait: Margaret Austin - Shining a light on darkness. In: Stuff.co.nz. 16. Februar 2019, abgruefen am 4. Juni 2021 (änglisch).
  3. 3,0 3,1 Who's Who 1987, S. 32
  4. All Labour's 29 MPs get areas of responsibility. In: Otago Daily Times. 28. November 1990, S. 4 (englisch).
  5. Brent Edwards: MPs Jump Ship - Seven Quit for United Party. In: The Evening Post. 28. Juni 1995, S. 1 (englisch).
  6. Ilam 17.pdf Electorate Candidate and Party Votes Recorded at Each Polling Place - Ilam, 1996. (PDF) Abgruefen am 13. Juli 2013 (änglisch).
  7. 7,0 7,1 Paul Gorman: Margaret Austin. Shining light in dark sky movement. In: Evening Post. 16. Februar 2019, abgruefen am 18. Februar 2019 (änglisch).
  8. The New Zealand Suffrage Centennial Medal 1993 – register of recipients. Department of the Prime Minister and Cabinet, 26. Juli 2018, abgruefen am 18. Dezember 2018 (änglisch).
  9. Queen's Birthday honours list 1997. Department of the Prime Minister and Cabinet, abgruefen am 16. Juli 2020 (änglisch).
  10. New Year honours list 2008. Department of the Prime Minister and Cabinet, 31. Dezember 2007, abgruefen am 1. November 2017 (änglisch).
  11. Royal Society Te Apārangi - View our Companions. Royal Society of New Zealand, abgruefen am 21. Oktober 2018 (änglisch).
  Dä Artikel basiert uff ere fräie Übersetzig vu dere Version vum Artikel „Margaret_Austin“ vu de änglische Wikipedia. E Liste vu de Autore un Versione isch do z finde.