D Määrtgass z Baasel

D Määrtgass isch e Strooss in dr Baasler Altstadt, wo erst im 19. Joorhundert entstande isch. Si verbindet dr Määrtblatz mit dr Schiffländi.

Die ehemoolig Börse an dr Määrtgass 8
Dialäkt: Baaseldütsch
Usschnitt us dr Stadtaasicht vo Basel vom Matthäus Merian em Eltere, 1642.[1] D Määrtgass het zur Zit vom Merian nonig existiert. Wo dr Birsig im 19. Joorhundert ganz iidoolt worde isch, het mä uf em Abschnitt Määrtblatz-Fischmäärt die ooberi Määrtgass baut.

Gschicht ändere

In dr zwäite Helfti vom 19. Joorhundert het Baasel stark afo waggse, dr Verkeer isch schwerer worde und die middelalterlige Gasse vo dr Altstadt si überlastet gsi. 1890 isch mit dr Korrekzion und Überbauig vom Birsig die ooberi Määrtgass zwüschen em Määrtblatz und em Fischmäärt entstande. 1897 het dr Root denn beschlosse, d Schwanegass und d Kronegass zämmezlege und drus die underi Määrtgass z mache, won eso dr Fischmärt mit dr Schiffländi verbunde het.[2]

S Huus vom Urs Graf ändere

 
S Huus vom Urs Graaf an dr Stadthuusgass 18, wo mä die hinderi Site von em an dr Määrtgass 16 cha gsee.

Äini vo de Seenswürdikäite in dr Gass isch s Wohnhuus vom Urs Graf, eme Goldschmiid, Mooler und Kriegsknächt, wo 1520 s Huus am Birsig an dr hütige Määrtgass 16 kauft het mit em Gäld, won er sich as Räislöifer bim Blündere zämmegstoole het.

Fuessnoote ändere

  1.  
    D Stadtaasicht vom Matthäus Merian em Eltere vo 1642.
  2. Alter Fischmarkt (Memento vom 8. März 2016 im Internet Archive) uf basler-bauten.ch, abgrüeft am 17. Juli 2015

Koordinate: 47° 33′ 31,8″ N, 7° 35′ 13,8″ O; CH1903: 611180 / 267580