Martin Candinas
Martin Candinas (* 20. August 1980[1]) isch en Politiker vo dr Mitti und es Mitglied vom Nazionaalrot. Sit em Dezämber 2022 isch är dr Nazionalrootspräsident. Dr Martin Candinas ka als eine wo de wenige Nazionalrööt Rumantsch rede und es g'hört zu de Bsunderheite vo sinere Amtszyt, dass är als Nazionalrootspräsidänt d'Sessione duet in Rumantsch eröffne.[2]
.jpg)
Früehne Wärdegang und Ussbildig
ändereDr Martin Candidas isch in Sumvitg im Joor 1980 gebore und het d'Kantonsshuel z'Chur mit ere Matur abgschlosse.[3][1]
Läbenslauf
ändereDr Martin Candinas het bi dr Krankekasse Helsana gschafft,[3] wo är im Joor 2006 zum Filialleiter von Chur beförderet worde isch.[3] Nachdem er im Joor 2011 in Nazionaalrot gwählt worde isch, het er s'Pensum uf 50% abegsetzt.[4] Im 2017 het er si Pensum uf 20% abegsetzt beko und isch zum Fachspezialischt für Partner und Key Account Management worde.[4] Im 2016 het dr Martin Candinas s'Präsidium vom Schwizer Helikopter Verband und au dr Litra, em Informazionsdienscht im öffentliche Verkehr, überhoh.[4]
Politischi Laufbahn
ändereIm 2006[1] isch dr Martin Candinas mit 26 Joor zum jüngschte Mitglied vom Groosse Root vo Graubünde gwählt worde.[5] Im 2011 isch dr Martin Candinas denn in dr Nazionalroot gwählt worde.[5] In de Nazionalrrotswahle vom 2015 und 2019 isch er jewiils widrgwählt worde.[5] Im 2017 isch er zu de Favorite für d'Noochfolg vom zruggträtende Churer Regierigsroot vo sinere Partei zellt worde, aber är het voorzooge im Nazionaalrot z'bliibe.[4] Im 2021 isch er vom Nazionaalrot zu ihrem Vize-Präsident gwählt worde,[6] wo druff denn d'Präsidentschaft vom Nazionalroot im 2022 gfolgt isch.[5] Dr Martin Candinas isch dr erscht Bündner in däm Amt sit über fünfedrissig Joor,[7] was vo de Bündner denn au miteme Fescht im Kloschter Disentis gfiirt worde isch.[8]
Persönlichs
ändereDr Martin Candinas isch ghürote[1] und dr Vatter vo drei Chinder.[5]
Äinzelnoochwiis
ändere- ↑ 1,0 1,1 1,2 1,3 Ratsmitglied ansehen.
- ↑ «Cordiala gratulaziun»: Martin Candinas zum höchsten Schweizer gewählt Aargauer Zytig, 28 Novämber 2022
- ↑ 3,0 3,1 3,2 Martin Candinas (de-CH)
- ↑ 4,0 4,1 4,2 4,3 80 Prozent Politiker – 20 Prozent Versicherungsmann
- ↑ 5,0 5,1 5,2 5,3 5,4 «Cordiala gratulaziun»: Martin Candinas zum höchsten Schweizer gewählt, Reto Wattenhofer, Aargauer Zytig vom 28 November 2022
- ↑ CVP-Nationalrat Candinas soll zweiter Vizepräsident werden (de) 21 November 2020.
- ↑ Bündner Mitte-Politiker Candinas ist neuer Nationalratspräsident (de-CH) 28 Dezämber 2022.
- ↑ Nationalratspräsident Martin Candinas feiert in Disentis. 1 Dezämber 2022.