Martin I.

Dr Martin I. (* um 600 z Todi, Umbrie; † 16. Septämber 655 z Chersones, Krim-Halbinsle) isch vu 649 bis 653 Papscht un Bischof vu Rom gsii.

dr Martin I., Darstellig in dr Basilika Sankt Paul vor dr Muure

Lääbe un Wirke

In dr Zyt vum Pontifikat vu sym Vorgänger Theodor I. isch er aafangs Diakon un speter Apokrisiar gsii. Dr Martin isch e Gegner vum dodmol verbraitete Monotheletismus gsii. No syrewahl zum Papscht un dr Amtsibernahm het er anne 649 105 Bischef vu dr Weschtchilche in ere Synod im Lateran versammlet. No lengere Berotige isch dr Monotheletismus verworfe un d Entschaidig dr Bischef vu dr Oscht- un dr Weschtchioche gschickt wore zum si unterzaiche. Dr Paulos II., dr Patriarch vu Konstantinopel, isch exkommuniziert wore, wel er die Entschaidig ablglähnt het. Des het zue me Stryt mit em oschtremische Chaiser gfiert un derzue, ass dr Chaiser versuecht het dr Martin feschtnee z loo, was aber fählgschlaa isch. Bi me zweete Versuech anne 653 isch d Feschtnahm glunge, dr bettlägrig Papscht isch ufgriffe un vu Rom uf Konstantinopel verschifft wore. Noch eme Grichtsverfahre isch er zum Dood verurdailt, gaißlet un noch ere Begnadigung uf d Krim verbannt wore, wun er an dr Folge vu syre gruusige Bhandlig am 16. Septämber 655 gstorben isch. No vor sym Dood isch mit em Papscht Eugen I. en Noofolger gwehlt wore.

Mahndääg

• Kadolisch: 13. April
• Orthodox: 14. April

Literatur

• Pietro Conte: Martin I., Papst (649-653). In: Lexikon des Mittelalters (LexMA). Band 6, Artemis & Winkler, Münche/Züri 1993, ISBN 3-7608-8906-9, Sp. 341.
• Georg Jenal: MARTINO I, papa, santo. In: Mario Caravale (Hrsg.): Dizionario Biografico degli Italiani (DBI). Band 71 (Marsilli–Massimino da Salerno), Istituto della Enciclopedia Italiana, Rom 2008 (italienisch).
• Georg Jenal: MARTINO I, santo. In: Massimo Bray (Hrsg.): Enciclopedia dei Papi. Band 1: Pietro, santo. Anastasio bibliotecario, antipapa. Istituto della Enciclopedia Italiana, Rom 2000 (treccani.it).
• Georg Kreuzer: Martin I. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 907–910.
• Francis Mershman: Pope St. Martin I. In: Catholic Encyclopedia, Band 9, Robert Appleton Company, New York 1910 (änglisch)

Weblink

 Commons: Martin I. – Sammlig vo Multimediadateie

• Martin I. im Ökumenische Heiligenlexikon

Vorgänger	Amt	Nachfolger
Theodor I.	Papscht 649–653	Eugen I.

Dä Artikel basiert uff ere fräie Übersetzig vu dere Version vum Artikel „Martin_I._(Papst)“ vu de dütsche Wikipedia. E Liste vu de Autore un Versione isch do z finde.