Martin Weinek

Dr Martin Weinek (* 30. Juni 1964 ds Leoben, i dr Steiermark) isch en öschtriichische Theater- und Filmschauspiiler und Regisseur. Er het d Rolle vum Inspektor Kunz i dr Fernsehsery Kommissar Rex gspillt.

Dr Weinek hett vu 1983 bis 1986 es Schauspiilschtudium bim Peter P. Jost gmacht.

Vu 1986 ah hett er zersch bi dr Theater Gruppe 80 i Wien gschaffet und het sini erscht chlini Filmrolle im Film „Nachsaison“ kah, won er e Liftboy gspillt hett.

1987 hett er bi de Ruhrfeschtspiil ds Recklinghuuse mit em Georg Mittendrein as Regisseur im Film „Der Lechner Edi schaut ins Paradies“ und en Kerichtmah im Film „Müllomania“ mit em Dieter Berner as Regisseur. Druff hii hend mehreri Tätigkeite as Regisseur und Engagements gfolgt.

Drzwüschet hett Weiner immr widr im Film oder Fernseh gschaffet, zum Biischpil 1989 i dr sechsteiligi Fernsehsery „Calafati Joe“.

Mit sinre Frau Eva, wo nach em Theaterwüsseschafts Studium zersch as Dramaturgin gschaffet hett, isch er au Wyybuur. Di beide hend 1993 as Hobbywinzer ahgfange und bewürtschaffet bi Heiligebrunn drüü Hektare a Wyyguet.

Film und Fernsehe

1989: Calafati Joe (Fernsehsery)
1999–2004, 2008 und 2010: Kommissar Rex (Fernsehsery)
2004: Silentium
2005: Grenzverkehr
2006: Unter weißen Segeln – Träume am Horizont
2007: Die Rosenheim-Cops – Liebe bis zum Ende
2008: Der Nikolaus im Haus
2010: Die Rosenheim-Cops – Tod im Kühlraum
2011: Sommer der Gaukler
2011: Der Mann mit dem Fagott
2011: Kebab mit Alles
2013: Hubert und Staller – Der Tote aus der Klatschspalte
2018: Landkrimi – Grenzland

Weblink

Commons: Martin Weinek – Sammlig vo Multimediadateie

Marin Weinek in de Internet Movie Database (änglisch)
Lebenslauf bim ORF
Lebenslauf bi dr Agentur Nielsen/Bremen
Weinek as Weinbauer

Dä Artikel basiert uff ere fräie Übersetzig vum Artikel „Martin_Weinek“ vu de dütsche Wikipedia. E Liste vu de Autore un Versione isch do z finde.