Martina Koederitz

e dytschi Manageri

D Martina Koederitz (* 20. Februar 1964 z Sendelfenga)[1] isch e dytschi Manageri. Vu 2011 bis 2018 isch si Vorsitzeri vu dr Gschäftsfierig vu IBM Dytschland gsii. Ab het si derzue d IBM-Regionalgsellschaft fir Dytschland, Eschtrych un Schwyz (DACH) glaitet. Syt Jänner 2018 isch si as IBM Global Industry Managing Director wältwyt fir d Automobil- un Induschtrybranche zueständig.[2]

LääbeBearbeite

D Koederitz isch Diplom-Bedriibswirti (BA).[3] Si het ihri Karriere bi IBM 1987 as Sischtemberooteri aagfange. Anne 1998 isch si Manageri im Verdriib fir Finanzdienschtlaischter wore. Ab 1999 het si d IBM-Verdriibsorganisation fir dr gnosseschaftlige Finanzverbund glaitet. 2003 isch si Vice President fir dr Verdriib vu dr zSeries-Großrächner bi IBM EMEA u 2006 z Dytschland wore. Derno isch si Client Advocacy Executive im Biro vum IBM CEO Sam Palmisano z Armonk in dr USA gsii. Nocherdani isch si Vice President fir d IBM Systems and Technology Group z Dytschland wore, het dno s IBM-Gschäft fir dr Mittelstand glaitet un het schließli as Mitglid vu dr Gschäftsfierig syt Oktober 2010 dr gsamt Verdriibsberaich vu IBM Dytschland verantwortet. Im Mai 2011 isch si as Noofgolgeri vum Martin Jetter an d Spitz vu IBM Dytschland gruefe wore.[4] Syt April 2013 isch si derzue General Manager IBM Dytschland, Eschtrych un Schwyz (DACH) gsii.[5] Im Jänner 2018 isch si zum IBM Global Industry Managing Director gruefe wore. Ihre Noofolger as IBM DACH-Schef isch dr Matthias Hartmann.

Syter 2016 isch d Koederitz Mitglid vum Ufsichtsroot vu RWE.[6] Derzue isch si Mitglid vu dr Ufsichtsreet vu dr BWI GmbH un Innogy.[7]

D Fachzytschrift Computerwoche het d Koederitz 2011 bi dr Nännig vu dr Top 100 vu dr wichtgschte Lyt vu dr dytsche ITK-Landschaft uf Blatz fimf gfiert.[8][9][10]

FueßnoteBearbeite

  1. „IBM mit deutscher Chefin“. (Memento vom 11. Septämber 2012 im Webarchiv archive.is) In: Süddeutsche Zeitung. 14. April 2011.
  2. "Matthias Hartmann folgt Martina Koederitz als Vorsitzender der Geschäftsführung der IBM Deutschland GmbH." Prässemitdailig, IBM. 8. Jänner 2018.
  3. Lääbeslauf Martina Koederitz, IBM Dytschland.
  4. „Managerin rückt an die Spitze von IBM Deutschland“, Heise.de. 14. April 2011.
  5. Stefan Riedl: IBM richtet DACH-Organisation ein. (Memento vom 4. Mai 2019 im Internet Archive) In: IT-Business. 12. April 2013
  6. Jürgen Flauger: Zwei Frauen für den Aufsichtsrat. In: Handelsblatt. 10. Merz 2016
  7. Profil vu drMartina Koederitz im Ufsichtsroot vu dr RWE AG
  8. Alexandra Mesmer: Top 100: Die wichtigsten Persönlichkeiten in der deutschen ITK-Landschaft. (Memento vom 4. Mai 2019 im Internet Archive) In: Computerwoche. 31. Dezämber 2011
  9. Heinrich Vaske, Alexandra Mesmer, Alexander Freimark: TOP 100 – Das Computerwoche-Ranking: die bedeutendsten Persönlichkeiten in der deutschen IT IDG 2014 S. 16 ISBN 978-3-942-92203-6
  10. Alexandra Mesmer: Die Kriterien für die Wahl der Top 100 (Memento vom 19. April 2016 im Internet Archive) In: Computerwoche. 31. Dezember 2011
  Dä Artikel basiert uff ere fräie Übersetzig vu dere Version vum Artikel „Martina_Koederitz“ vu de dütsche Wikipedia. E Liste vu de Autore un Versione isch do z finde.