D Meiji-Restaurazioon (jap. 明治維新, Meiji ishin)[1] bezeichnet formal d Ernöijerig vo dr Macht vom Kaiser am Aafang vo dr Meiji-Zit. Es het nit nume d Iifüerig vom ene nöije politische Süstem bedütet, wo vo westlige Vorbilder beiiflusst gsi isch, sondern au die völligi Umgstaltig vo dr japanische Gsellschaft.

Dr Meiji-Tennō chunnt uf Tōkyō (1869)

Am 3. Januar 1868 isch im Naame vom Tennō d Widerhäärstellig vo dr kaiserlige Macht (王政復古, ōsei fukko) broklamiert worde. Dr Shōgun Tokugawa Yoshinobu het druf si Armee uf Kyōto gschiggt. Im Boshin-Chrieg )1868–1869) häi die kaiserlige Drubbe d Armee vom Shōgun gschlaage. Die Faase isch z Änd gange, wo dr Saigō Takamori 1877 si Widerstand ufgee het. Formal isch si ume gsi, wo d Verfassig 1890 in Chraft dräte isch.

D VerändrigeBearbeite

In dr PolitikBearbeite

Die nöiji Regierig het zwäi Flüügel ghaa, dr nazional-imperialistischi und dr brogressivi, wo inneri Reforme het welle iifüere. Si het dr „Fümf-Paragraafe-Eid“ (五ヵ条の誓文, gokajō no seimon) vorberäitet, wo dr Tenno im Früelig 1868 verkündet het und wo drmit die alti Stände-Gsellschaft abgschafft worde isch und wo drvo redet, ass s Volk emol an dr Regierig bedäiligt wurd. D Japaner häi sich Dütschland zum Vorbild gnoo und 1885 s erste Kabinett noch öiropäischem Muster bildet.

In dr Technik und WüsseschaftBearbeite

Japan het uf dr äinte Site Techniker und Wüsseschaftler us em Usland as Berooter und Leerer (o-yatoi gaikokujin) iiglaade, uf dr andere si Studänte in s Usland gschiggt worde zum studiere. 1877 isch d Tōkyō daigaku gründet worde. Dütschi Wüsseschaftler häi in dr Modärnisierig vom Land e groossi Rolle gspiilt, vor allem in dr Medizin, dr Filosofii und dr Jurisprudänz.

LitratuurBearbeite

  • S. Noma (Hrsg.): Japan – An Illustrated Encyclopedia. Kodansha, Tokyo 1993, ISBN 4-06-205938-X.
  • S. Nakamura: Meiji ishin. (Band 16 der Geschichte Japans). Verlag Shueisha, 1992, ISBN 4-08-195016-4. (japanisch)
  • J. Hunter: Concise Dictionary of Modern Japanese History. Kodansha International, Tokyo 1984.
  • K. Inoue: Meiji ishin. Band 20 der History of Japan. Chuo koronsha, 1966. (japanisch)
  • W. W. McLaren: A Political History of Japan during the Meiji Era. Frank Cass, London 1965.
  • M. Ramming: Japan-Handbuch. Berlin 1941.

FuessnooteBearbeite

  1. Wörtlig "Meiji-Ernöijerig". Zerst het mä vo „S kaiserlig Äini: Nöi“ (御一新, go isshin) greedet.