Dialäkt: Schwäbisch

Michael Kobr (* 1973 en Kempten (Allgäu)) isch a deutscher Krimiautor.

Michael Kobr an dr Leipzigr Buachmess 2013
Michael Kobr (reacs dranna) ond Volker Klüpfel 2013

Sei Autoraleba ändere

Zsemma mid emen Volker Klüpfel hat dr em Allgäu en Kempten ond Durach ufgewachsene Realschullehrer fir Deutsch ond Französisch da Kriminalroma Milchgeld geschrieba. mid dem es des Duo en d bundesweite Bestsellerlisten gschafft hod, ond mo inzwischa meh als 200.000 Mal vrkaufd worra isch. D Haubdfigur vo deam Buch isch dr schrullig Kommissar Kluftinger. Dr zwoide Krimi mid em Kommissar Kluftinger, Erntedank, war wochalang auf em Platz fenf en dr Focus-Bestsellerliste. Dr dritte Krimi vo dem Duos, Seegrund, isch em September 2006 erschiena ond hod isch glei en de Bestsellerlischda gwea, mo r ibr zeha Monad blieba isch. Do drmid wared Klüpfel ond Kobr d deutsche Autora mid dr längschda Vrweildauer en de Bestsellerlisten 2006/2007 (höchschde Blätz em Spiegel Platz 5, em Focus Platz 2). Alles zsemma hend dia Biachr a Auflag vo beinah ara Millio gschaffd.[1] Em März 2008 isch dr vierde Kluftinger-Krimi mid em Titel Laienspiel erschiena.

Em Herbschd 2008 hod dr Bayerischen Rundfunk Erntedank als an Fernsehfilm produzierd ond am 26. September 2009 em Bayerischen Fernsehen s erschdmol gsendad.[2] En groaßa Doil vo dem Film isch en Memmingen drehd worra. A alds Verwaldongsgebäude vo de Lechwerke am Schweizerberg isch als Polizeirevier gnomma worra. mid Schauspieler, mo scho en Erntedank mitgespielt hend, isch 2012 dr Fernsehfilm Milchgeld dreht worra, mo a baarmol en dr ARD ond en Regionalprogramm zoigd worra isch. A dritter Fernsehkrimi, Seegrund isch drnoch komma. S Buach Rauhnacht war d Vorlag fir a Theaterstück vom Landestheater Schwoba en Memmingen. A weiters uftinger-Theaterstück fir s Landestheater hodt koi Romanvorlag.Des hend Kobr ond Klüpfel oigns drfir gschrieba

Dr 5. Kluftinger-Krimi mid am Nama Rauhnacht isch am 11. Septembr 2009 rauskomma.[3] R isch en de Spiegelbestsellerlista direkt auf d Position 1 komma. Dr 6. Kluftinger-Krimi, Schutzpatron, isch em Jahr 2011 komma. Dr 7. Kluftinger-Krimi hod da Titl Herzblut ond isch em Februar 2013 mid ara Startauflag vo 250.000 Stück erschiena. Alle Kluftinger-Krimis send en gkürzte Fassong, vom Klüpfel ond em Kobr selbr gelesea, als Hörbüachr z kriaga. D Kluftinger-Krimis send ssemma 4,5 Milliona mol verkaufd worra. (Stand Februar 2013).

Middlrweil geits au zwoi Kluftinger-Brettspiel, Artikel wia Kloidr ond Tascha ond a Kluftinger-Kochbuach. Driebrnaus hend dia zwoi Autora a Buach ibr ihre Lesreisa durch Deutschland, Österreich ond d Schweiz gschrieba. Aus ihre Lesonga mid Onderhaldongseilage hend se a Vranschdaldongsform, d Litcomedy endwiggld, mid dem se 2013 aufdredda send.

Dr Michael Kobr schaffd ond lebd heid em oberschwäbischen Memmingen. R isch jedsd abr nommeh Autor ond schaffd nemme als Lehrer.[A 1]

Auszeichnonga ändere

Werk, zsemma mid m Volker Klüpfel ändere

 
Michael Kobr bei dr Lesung Schutzpatron en Fürstenfeldbruck, April 2012

Webadressa ändere

  Commons: Michael Kobr – Sammlig vo Multimediadateie

Anmerkunga ändere

  1. Buachklappatexd

Wo s her isch ändere

  1. Terror ond Tanzstunde. In: Der Spiegel. Nr. 22, 2008 (Online).
  2. Sendetermin von „Erntedank“ (abgerufen am 28. August 2009) Archivlink (Memento vom 5. Dezämber 2015 im Internet Archive)
  3. dr neue Kluftinger heißt ... (abgerufen am 2. Juni 2009)
  Dä Artikel basiert uff ere fräie Übersetzig vum Artikel „Michael Kobr“ vu de deidsche Wikipedia. E Liste vu de Autore un Versione isch Kobr&action=history do z finde.