Mika (Musiker)

Dr Mika [miːkə] (* 18. August 1983 als Michael Holbrook Penniman in Beirut) isch e libanesisch-britische Sänger, Komponischt und Produzänt. Sis Debütalbum Life in Cartoon Motion, wo 2007 usechoo isch, het sich rund 5,6 Millione mol verchäuft. Sini Songs sind vo der Popmusig us de 1970er und 1980er Joor beiiflusst.

Mika (2012)

Läbä

Dr Michael Holbrook Penniman isch als dritts vo fünf Chinder vonere libanesische Mueter und emne amerikanische Vater in Beirut gebore worde. Sini Familie isch 1984 vor em Bürgerkrieg im Libanon z erst nach Paris und denn nach London gflüchtet. Als Legastheniker het är Problem i der Schuel gha und isch vo sine Klassekamerade ghänslet worde, sini Mueter het ihn drum es Joor lang dehei unterrichtet. In dere Zyt het är aagfange, sich für Musig z interessiere. Woner elfi isch gsii, isch dr Mika uf der Bühni vom Royal Opera House i der Richard-Strauss-Oper Die Frau ohne Schatten ufträtte. Mit 19 isch är uszoge, zum a der London School of Economics Geologii z studiere. Er hets sichs denn aber scho am Daag vo der Immatrikulation anders überleggt und sich zwei Wuche spööter beim Royal College of Music aagmäldet.

2006 het dr Mika mit der Single Relax, Take It Easy e Achtigserfolg bi de britische Sänder glandet und isch europawit in d Charts cho. Im Januar 2007 isch är vom britische Fernsehsänder BBC zum ussichtsriichschte Musiker fürs Joor 2007 gwählt worde. Sini Single Grace Kelly, wo im gliiche Monet usecho isch, het diräkt Platz 1 vo de britische Download-Charts und e Wuche drufabe Platz 1 vo de Popcharts in Grossbritannie erreicht. Genauso erfolgreich isch siis Debütalbum Life in Cartoon Motion gsi, wo äbefalls uf Plats 1 vo de Charts glandet isch. Dr Mika stoht bi Casablanca Records bzw. em Mueterkonzärn Universal Music under Vertrag. Im Dezämber 2007 isch in Dütschland die vierti Singleuskopplig Happy Ending und im März 2008 als witeri Uskopplig Lollipop uusechoo.

Im Früelig 2009 isch sini Akustik-EP Songs for Sorrow veröffentlicht worde. Siis zweite Studioalbum The Boy Who Knew Too Much isch im September 2009 uusechoo, vorhär isch d Vorabsingle We Are Golden scho i di internationale Charts choo. 2010 het sich dr Mika am Benefiz-Projekt Helping Haiti vom Simon Cowell beteiligt. Im Oktober 2012 het är siis dritte Studioalbum The Origin of Love veröffentlicht. Die ersti Singleauskopplung isch Celebrate gsi.

Dr Mika isch vo 2013 bis 2015 Juror vo dr italiänische Usgoob vo X Factor gsi und vo 2014 bis 2019 i dr Jury vo The Voice gsässe. 2016 und 2017 het är bi Rai 2 sini eigeni Unterhaltungsshow Stasera Casa Mika moderiert. Im Septämber 2017 isch s Programm von der Europäische Rundfunkunion i der Kategorii „Unterhaltig“ mit em Priis „Rose d’Or“ uszeichnet worde.

Dr Mika isch sit meh als zää Johr mit em Filmemacher Andreas Dermanis zämme.

Uszeichnige und Rezeption

Bi de World Music Awards 2007 het dr Mika i de Kategorie „Best Selling British Artist“, „Best Selling New Artist“, „Best Selling Male Entertainer“ und „World’s Best Selling Pop-Rock Male Artist“ e Uszeichnig becho. Im Februar 2008 isch er sowohl mit emne Echo i der Kategorie „Newcomer international“ als äu mit emne BRIT Award als beste Newcomer uszeichnet worde. Im Januar isch är er scho mit emne NRJ Music Award als beste internationale Newcomer uszeichnet worde. 2010 isch är vom französische Kulturminister Frédéric Mitterrand zum „Chevalier des Arts et des Lettres“ ernennt worde. Em Mika si Song Relax, Take It Easy wird sit es paar Johr in der Fernseh- und Radiowäärbig vom Reiseunternähme Alltours bruucht.

Diskografie

Studioalbe Mika (Musiker)/Diskografie

Joor	Titel	Höchstplatzierung, Gesamtwochen, AuszeichnungChartplatzierungenChartplatzierungenTemplate:Charttabelle/Wartung/ohne Quellen (Jahr, Titel, Plat­zie­rungen, Wo­chen, Aus­zeich­nungen, Anmer­kungen)					Aamerkige
		DE	AT	CH	UK	US
2007	Life in Cartoon Motion	DE6 Platin (62 Wo.)DE	AT6 Platin (48 Wo.)AT	CH1 ×2 Doppelplatin (85 Wo.)CH	UK1 ×5 Fünffachplatin (94 Wo.)UK	US29 (26 Wo.)US	Erstveröffentlichig: 5. Februar 2007
2009	The Boy Who Knew Too Much	DE6 (6 Wo.)DE	AT9 (7 Wo.)AT	CH2 Gold (25 Wo.)CH	UK4 Gold (19 Wo.)UK	US19 (5 Wo.)US	Erstveröffentlichig: 18. Septämber 2009
2012	The Origin of Love	DE43 (1 Wo.)DE	AT31 (1 Wo.)AT	CH15 (9 Wo.)CH	UK24 (2 Wo.)UK	US47 (1 Wo.)US	Erstveröffentlichig: 16. Septämber 2012
2015	No Place in Heaven	DE70 (1 Wo.)DE	AT74 (1 Wo.)AT	CH4 (16 Wo.)CH	UK19 (3 Wo.)UK	US117 (1 Wo.)US	Erstveröffentlichig: 12. Juni 2015
2019	My Name Is Michael Holbrook	—	—	CH10 (9 Wo.)CH	UK57 (1 Wo.)UK	US184 (1 Wo.)US	Erstveröffentlichig: 4. Oktober 2019

Weblinks

• Em Mika sini Website (änglisch)
• Mika in dr Internet Movie Database
• Mika bi Discogs (änglisch)
• Mika im Munzinger-Archiv (Artikelaafang frei abruefbar)

Fuessnote

Dä Artikel basiert uff ere fräie Übersetzig vu dere Version vum Artikel „Mika_(Musiker)“ vu de tüütsche Wikipedia. E Liste vu de Autore un Versione isch do z finde.