Militärbasis

E Militärbasis (au: Militärschtützpunkt) isch es militärisch gnutzts Gländi bzw. Iirichtig; sie dient de Schtationierig vo Truppe und militärische Usrüschtig. Entschprächend de vile Ufgabe und Erschiinigsforme vo militärische Iiheite träte au Base vo däne i vilne Forme uf. Z' nänne sind insbsundrigs: Militärischi Hauptquartier, Wärfte, Häfe, Garnisonen, Kasärne, Depots, Arsenäl, Truppeüebigsplätz, Fäschtige, Flügerhorschte und anderi Luftwaffeschtützpünkte, Raketeaabschussbase, Militärsänder, Militärlazarett und -Chrankehüser etc.

By Militärbase chann es sich um nöd duurhafti Iirichtige, wo nur für d' Duur vonere beschtimmte Operation ufrächterhalte wärde, oder um duuerhafti Stützpunkte handle. Me chann Base underscheide zwüsche Base, wo sich uf däm Tärritorim vo dem Land tuend befinde, die Truppe au det schtationiert sind, sowiä Base, wo es Land im Usland hät (Militärbase im Usland), öppe diä verbündeti Natione oder im Rahme vo de Besetzig vomne andere Land.

Militärbase sind där Regle abgesichert und de Zuegang vo Zivilischte isch beschränkt oder verbote. Sie sind mit Waffe und Versorgigsgüeter usgschtattet und diened där militärische Logischtik. Für d' Versorgig vo de Truppe enthalte vili Schtützpünkt entschprächendi Irichtige wiä Offiziärskinos, Kantine, Chilene, Schuele, Chrankehüser, Iichaufsglägeheite und Schportschtätt. Militärischi Schtützpünkt diened demit hüfig au einere Region als Arbetgäber, das fühert dezue, dass d' Uflösig bzw. de Abzug vonere settige Irichtig au zue wirtschaftliche Konsequänze fühere chann. Uf de andere Site sind settigi Schtützpünkt wäge ihrem militärische Charakter mängisch au Ziel vo Demonschtratione vo Friedensaktivischte; so hät de US-Raketeschtützpunkt Mulanger Heide i de 1980er Jahre wäge de dette schtationierte Atomrakete im Zäntrum vo de Usenandersetzig um diä sogennanti Narüschtig gschtande.

Dä Artikel basiert uff ere fräie Übersetzig vum Artikel „Militärbasis“ vu de dütsche Wikipedia. E Liste vu de Autore un Versione isch do z finde.