Molekül

Äs Molekül isch äs Teili, wo us zwei oder mehr Atom bestaht. Es git sowohl Molekül wo nu us Atom vo eim Elemänt bestönd wi au Molekül wo us verschidenä Elemänt bestönd. Die einzelne Elemänt sind etweder dur Elektonäpaar-Bindigä oder dur Ionäpaar-Bindigä mitänander verbundä.

Äs Wassermolekül

Zwüschemolekulari Chräft

Zwüschät dä Molekül chönd verschidäni Chräft würke, wo z. B. dä Schmelzpunkt, dä Südepunkt oder d Löslichkeit beiflussäd. Äs existiränd di folgändä Chräft (sortiärt nach abnehmänder Stärchi)

• Wasserstoffbrückenbindung
• Dipol-Dipol-Kräfte
• van-der-Waals-Bindung

Darstellig

Strukturformlä vo LSD

Di eifachschti Art, äs Molekül z beschribä isch d Summäformlä wiä zum Bispil H₂O für Wasser oder O₂ für Suurstoff. Sie wird vorallem für anorganischi Molekül verwändät.

Für ä chli komplexeri, meist organischi Molekül ferwändät mär meistens d Sturkturformlä. Mit ihrä chan mär au Molekül wo zwar die glich Summäformlä händ aber nöd glich ufbaut sind, unterscheidä.

Bi no komplexerä biologischä Molekül chäm mer mit dä Strukturformlä nümmä drus, darum verwändät mer det numä no ä vereifachti darstellig vo dä Struktur.