Der Mont Blanc isch der höchscht Bärg vo den Alpe.

Er stoot i de Weschtalpe, a der Gränze zwüsche Frankrych und Itaalie. Im Nordweschte ghört s Bärgmassyv zu der französische Gmeind Chamonix-Mont-Blanc, und die südöschtlechi Flangge isch bi der italiänische Gmeind Courmayeur im Augschttaal.

Der Gipfel vom Mont Blanc isch uf 4810 Meter über Meer; es isch der höchscht Bärg nid nume vo den Alpe, sondern au vo ganz Weschteuropa. Der oberscht Gupf vom Bärg isch ganz us Schnee und Ysch ufbout; der fescht Felse drunder chunt bim höchschte Punkt uf d Höchi vo 4792 Meter über Meer, wie s französische Glaziology- und Umwältgeofüsiklabor zäme mit der ETH Züri anne 2004 usegfunde het.

Am Bärg, bsunders uf der französische Syte, sind grossi Gletscher, wo me drüber ufe Mont Blanc und die andere Gipfel vo der Bärgchetti cha schtyyge.

Am 7. Augschte 1786 isch s erschte Mol öpper ufe Gipfel vom Mont Blanc ufeggange. Es sind der Jacques Balmat und der Michel-Gabriel Paccard vo Chamonix gsi.

Bilder ändere

Literatur ändere

  • Stefano Ardito: Mont Blanc. Die Eroberung eines Bergmassivs. Erlangen 1996.
  • Hartmut Eberlein: Mont-Blanc-Gruppe. Gebietsführer für Wanderer, Bergsteiger und Kletterer. München 2005.

Weblink ändere

  Commons: Mont Blanc – Sammlig vo Multimediadateie