Mongolfieere
Mongolfieere isch dr Naame vom erste Häissluftballoon. Dr Naame chunnt vo siine Erfinder Joseph Michel und Jacques Etienne Montgolfier.
_1978,_MiNr_563.jpg)
Die ersti Mongolfieere isch e chuugeläänlige Sack us Liine gsi mit eme Durchmässer vo 12 m. Im Innere het s e dünni Bapiirschicht gha, und e Netz us Schnuer isch ums Ganze umegspannt gsi und het s in Form ghalte. Am 4. Juni 1783 häi sä d Brüeder Montgolfier de Lüt in iirer Heimetstadt Annonay vorgfüert. Zu deere Zit het mä no dänkt, ass dr Ballon wägen em Rauch wurd ufstiige. Mä het Strauballe und Wulle verbrennt und dr Balloonsack mit Rauch gfüllt und dä het denn afo schwääbe. Denn si d Säili, won er draa aabunde gsi isch, abgmacht worde und dr Balloon isch bis fast uf e Hööchi vo 2000 m uufegflooge und isch öbbe 2 km wit gschwäbt, bevoor er uf e Boode gsunke isch.
D Noochricht vo dr „erostatische Maschiine“ het sich gschnäll in ganz Frankriich verbräitet. Denn het dr Brofässer Jacques Alexandre Charles dr ersti Gasballoon, dr „Globe“, lo ufstiige und denn isch s nume no e Froog vo dr Zit gsi, bis dass die erste Bassaschier mitgflooge si. Am 19. Septämber 1783 het e Montgolfieere vom Schloss Versailles us mit drei Bassaschier gstartet: eme Schoofsbock, eme Güggel und ere Änte. Dr Köönig Ludwig XVI. und d Köönigin Marie Antoinette häi zuegluegt. Dr Flug isch 12 Minute lang gsi und het bewiise, ass bemannti Lufträise mööglig si.
Weblingg
ändere
Commons: Montgolfier brothers – Sammlig vo Multimediadateie