Museum Minschterdal

S Museum Minschterdal (dt. Museum Münstertal) isch e Museum im Rothuus vu dr Schwarzwälder Gmai Minschterdal, wu d Bärgböu-, Forscht- un Sidligsgschicht vum glychnamige Dal zaigt.

GschichtBearbeite

 
Mittelalterlige Bärgmannsschue, Bärgwärch Deifelsgrund

S 1980 grindet Waldmuseum isch im Friejohr 2015 unter em neie Name „Museum Münstertal – Museum für Bergbau-, Forst-, Siedlungs- und Heimatgeschichte des Münstertals“ im Rothuus Minschterdal nei ufgmacht wore mit eme Bstand, wu dur d Heimatinitiative Münstertal e.V., dr Burgerschaft un dr Gmai zämegstellt woren isch. Schwärpinkt vum Mueseum sin d Fälder Forschtgschicht, Bärgböugschicht, Volkskund un d Haimet- un Sidligsgschicht vum Minschterdal.

ThematikBearbeite

S Museum informiert mit ere thematische Duuruusstellig iber haimischi Dierarte, zaigt Gschiir vu dr Wald- un Forschtarbet un dokumentiert, wie traditionäll s Holz verschafft un bruucht het. Dargstellt wären ai historischi Waldgwäärb wie zem Byschpel d Glasbleserei im Minschterdal. Au di Johrdöusert alt Bärgböugschicht wird an vyl Exponat zur Bärgbäutradition bschribe. E bsunder Exponat haißt im Volksmund „Schue vum Deilfelsgrund“, e Schue, wu uf s spot 14. Johrhundert datiert isch un zue dr eltschte Bärgmannsschue vu Dytschland ghert. Zaigt wäre au d Sidligsgschicht vum Minschterdal un Fund us dr untergangene Bärgböustadt Minschter im Minschterdal. E ander bsunder Exponat isch dr sognännt „Trudpertsschlissel“, e Diire- oder Droogschlissel us dr Merowingerzyt.

SunderuusstelligeBearbeite

Im Wägsel wäre Sunderuusstellige aabote, zem Byschple zue Natur, Chunscht, Gwäärb un Traditione vum Minschterdal.

MuseumspedagogikBearbeite

D Museumspädagogik vum Museum Minschterdal basiert uf dr Vermittlig vu umwält- un forschtgschichtligem Wisse fir alli Alters- un Bsuechergruppe. Doderby wäre au interaktivi Elemänt bruucht wie ne Gruebedelifon, Soundmodul, 3D-Film, e Museums-App un e interaktive Waldlehrpfad.

dr Verain hinter em MuseumBearbeite

S Museum wird ehrenamtli dur d Heimatinitiative Münstertal e.V. [HiM] ufböue un gfiert. Dr yydrait gmainnitzig Verain HiM forscht zue dr Gschicht vu dr Gmai Minschterdal im Schwarzwald un setz si yy fir Erhalt un d Vermittlig vu regional- un haimetgschichtligem Wisse mit Schwärpunkt uf dr historische Bärgböu- un Forstgschicht. Är het au s Zyl, Chlai-, Natur- un Bodedänkmeler vum Minschterdal as lokal Kulturguet z pfläge, z schitze un z erhalte.

WeblinkBearbeite

  Dä Artikel basiert uff ere fräie Übersetzig vu dere Version vum Artikel „Museum_Münstertal“ vu de dütsche Wikipedia. E Liste vu de Autore un Versione isch do z finde.